Video
Read full review
2023-04-22
626 views
最出名係佢嘅冬陰功湯底餃子🔥可惜我唔食得辣🫢不過仲有好多其他選擇: 8款口味餃子、湯麵拌麵冷麵／飯、多款小食選擇困難症嘅我又想食餃子又想食東北打滷麵又想食冷麵🙈最後揀咗餃子湯麵，感覺可以滿足晒幾個「願望」▶️ 蕃茄雞蛋餃子湯麵 ($50)餃子配湯麵就5隻，淨餃10隻🥟可以揀幼麵 (拉麵)定粗麵 (上海麵)餃子size正常，粒粒飽滿，因皮薄餡料多而可以睇到入邊又黃又紅嘅雞蛋同蕃茄 (一定唔會撈亂搞錯😂)味道同家常便飯嘅蕃茄炒雞蛋一樣，炒蛋幾蓬鬆濕潤，蛋味好香，醃到鹹味啱啱好，唔會淡茂茂 (可能用牛油炒過？)🍅相反蕃茄就冇咩味，可能因為切得細粒同埋多數得返啲皮第一次食蕃茄雞蛋餃，幾新奇有趣，不過覺得同一般肉類餃子相比就欠缺少少質感，比較「腍啤啤」餃子皮冇包餡嘅部份咬落煙韌，而包住餡料嘅部份就比較易爛，未咬已經爆開左😗🍜上海麵雖然叫粗麵，但都係幼身嘅，算彈牙，正正常常湯底清淡以突顯餃子味道，另外仲有新鮮脆口椰菜🥬-欣賞佢食材新鮮餡料較多，一路食一路見佢即場人手包餃子，粒粒都包得好靚仔😍食物味道正常發揮但夠特別，唔係一般餃子店可以食到嘅嘢，勝在多選擇入邊環境比較細，要同人搭枱，坐得比較擠迫，加上
不過仲有好多其他選擇: 8款口味餃子、湯麵拌麵冷麵／飯、多款小食
選擇困難症嘅我又想食餃子又想食東北打滷麵又想食冷麵🙈
最後揀咗餃子湯麵，感覺可以滿足晒幾個「願望」
▶️ 蕃茄雞蛋餃子湯麵 ($50)
餃子配湯麵就5隻，淨餃10隻🥟
可以揀幼麵 (拉麵)定粗麵 (上海麵)
餃子size正常，粒粒飽滿，因皮薄餡料多而可以睇到入邊又黃又紅嘅雞蛋同蕃茄 (一定唔會撈亂搞錯😂)
蕃茄雞蛋餃子湯麵
$50
109 views
0 likes
0 comments
味道同家常便飯嘅蕃茄炒雞蛋一樣，炒蛋幾蓬鬆濕潤，蛋味好香，醃到鹹味啱啱好，唔會淡茂茂 (可能用牛油炒過？)
🍅相反蕃茄就冇咩味，可能因為切得細粒同埋多數得返啲皮
第一次食蕃茄雞蛋餃，幾新奇有趣，不過覺得同一般肉類餃子相比就欠缺少少質感，比較「腍啤啤」
餃子皮冇包餡嘅部份咬落煙韌，而包住餡料嘅部份就比較易爛，未咬已經爆開左😗
🍜上海麵雖然叫粗麵，但都係幼身嘅，算彈牙，正正常常
湯底清淡以突顯餃子味道，另外仲有新鮮脆口椰菜🥬
-
欣賞佢食材新鮮餡料較多，一路食一路見佢即場人手包餃子，粒粒都包得好靚仔😍
食物味道正常發揮但夠特別，唔係一般餃子店可以食到嘅嘢，勝在多選擇
入邊環境比較細，要同人搭枱，坐得比較擠迫，加上不斷有人等位，不宜坐太耐
服務OK，上菜落單快手
性價比算高，全部大份足料！可以加$26跟餐，包小食同飲品 (唯一係唔太理解點解煎餃貴湯餃$10咁多😅)
Post
