Kactus Koffee

Open Now

Now Closed

Kactus Koffee 為於佐敦文英街，係由韓仔咖啡師駐店嘅新啡店。其實都唔算係全新嘅咖啡店，皆因佢只係由深水埗搬咗過佐敦。新店感覺算大，不過座位唔多，中間一張圓枱，側面4張細銀枱，仲有鋪出面有啲枱櫈…但夏天真係堅熱，所以都唔太建議大家坐出面。我叫咗杯Dolche Triple Latte，依杯喺一杯用練奶沖嘅Latte。咖啡師解釋指依杯咖啡用咗三個shot，所以會中和返練奶嘅甜。不過怕太甜嘅，都可以同咖啡師講，減少啲啲練奶嘅。Kactus Koffee除咗咖啡，亦有數款甜品提供。聽請Croffle唔錯，不過我就無試喇。原本想試下佢哋嘅Strawberry Tiramisu，但一早就賣哂喇。店員指Tiramisu製作份量比較少，特別係閒日，所以好快就賣哂。假日份量相對地會預返多啲嘅。最終我只係食咗Basque Cheese Cake。我去嗰日係閒日，大概兩點零鐘，但都已經要等位喇。去到三點零四點鐘，等候入座嘅朋友們就更多。順帶一提，Kactus Koffee暫時沒有設定入座用餐時限。所以大家想去品嘗嘅，不妨早啲到，又或者選擇外賣啦。