有緣小敍

Open Now

Now Closed

佐敦有緣小敍，主打陝西菜，餐牌有各款凉拌小吃、小炒、包餅、餃子、招牌酸湯辣妹麵、秘製麻辣湯麵、Biang Biang麵、特色甜品等。湯羊肉餃子：湯底好濃郁，不帶羶味，羊肉餃子大大隻，入口啖啖羊肉味道，吸晒湯汁既精華，吃完全身暖笠笠。香炸小酥肉：炸到金黃酥脆，肉味香濃，再灑上少少孜然粉，十分惹味。土豆夾膜：土豆煮得爽口，餡料非常多，用夾饃包住食，風味也不錯。 乳香雞翼：雞翼炸得香口，帶濃濃既南乳味，滋味滿分。 五香驢肉Biang Biang麵：驢肉係冷盤，味道有D似牛展，切成薄片，咸香嫩滑，Biang Biang麵，入口滑溜，配料有炸紫菜、香蔥、生菜和花生碎，仲可以自選辣度，味道有驚喜。 爆漿紅糖糍粑：香甜又煙韌，裡面既紅糖，有流心效果，大大件幾好食。 整體來說，食物份量十足，即叫即做，做得出色，值得推薦。