Video
Read full review
2019-09-22
243 views
佐敦亂逛居然比我尋到寶，德成街有數間日本餐廳，唯獨濱松町的店面比較特別，好有江戶時代既感覺，咁就吸引左入去。入面更好feel, 天花掛滿燈籠，一個個燈籠畫上日式既畫，店內播既都係啲舊舊既日文歌，裝修唔華麗，但比人感覺良好，適合小兩口食飯或者幾個人放工小酌。食物選擇好多，特別有張印左食物圖片既廚師精選menu 可參考。酒水亦有厚厚既一本menu, 喜歡小酌幾杯既你唔好放過啦。濱松町卷敢以店名命名既卷物一定唔錯，果斷叫左🤤果然！實物比menu 上的相靚好多，彩虹咁，令人食慾大增。六大件卷物，有三文魚三文魚籽、劍魚腩配海膽、油甘魚、火炙左口魚同火炙魷魚。每次都會因應來貨有唔同。魚生全部都非常新鮮，壽司飯入面包有蛋、蟹柳等等，一口鯨吞，相當滿足👏👏海膽刺身馬糞海膽細細粒，但好鮮甜，連小小甘味都冇，份量超多。蟹籽醋飯、青瓜絲同紫菜會隨海膽送上，可以DIY 自己既爆膽卷😬安格斯牛肉壽喜燒我見枱枱都叫左鍋物，豈能蝕底😌安格斯牛肉片有嚼勁又有牛味👍🏾湯頭微甜不會太鹹，湯入面有大量菜同菇，可以另外加個烏冬或者白飯食，大滿足。鰻魚炒飯足料，啖啖都食到鰻魚肉，切得比較大粒，所以有口感。炒飯係濕濕地，但飯粒粒
佐敦亂逛居然比我尋到寶，德成街有數間日本餐廳，唯獨濱松町的店面比較特別，好有江戶時代既感覺，咁就吸引左入去。
入面更好feel, 天花掛滿燈籠，一個個燈籠畫上日式既畫，店內播既都係啲舊舊既日文歌，裝修唔華麗，但比人感覺良好，適合小兩口食飯或者幾個人放工小酌。
食物選擇好多，特別有張印左食物圖片既廚師精選menu 可參考。酒水亦有厚厚既一本menu, 喜歡小酌幾杯既你唔好放過啦。
濱松町卷
敢以店名命名既卷物一定唔錯，果斷叫左🤤果然！實物比menu 上的相靚好多，彩虹咁，令人食慾大增。
六大件卷物，有三文魚三文魚籽、劍魚腩配海膽、油甘魚、火炙左口魚同火炙魷魚。每次都會因應來貨有唔同。魚生全部都非常新鮮，壽司飯入面包有蛋、蟹柳等等，一口鯨吞，相當滿足👏👏
海膽刺身
馬糞海膽細細粒，但好鮮甜，連小小甘味都冇，份量超多。
蟹籽醋飯、青瓜絲同紫菜會隨海膽送上，可以DIY 自己既爆膽卷😬
安格斯牛肉壽喜燒
我見枱枱都叫左鍋物，豈能蝕底😌
安格斯牛肉片有嚼勁又有牛味👍🏾湯頭微甜不會太鹹，湯入面有大量菜同菇，可以另外加個烏冬或者白飯食，大滿足。
鰻魚炒飯
足料，啖啖都食到鰻魚肉，切得比較大粒，所以有口感。炒飯係濕濕地，但飯粒粒都分明，好香口👍🏾👍🏾
最後送我蜜瓜同焦糖mochi 作結，捧住漲飽既肚離開🤰🏻呢到既服務都唔錯，加茶冇停手，問問題都好細心答🥰
Post
