泰排檔

Open Now

Now Closed

新開嘅船麵真係正！雖然只係午市時間，但係已經有一條唔短嘅人龍在外等候。店嘅裝修有啲似泰式路邊攤嘅感覺雖然座位有啲迫，但係感覺好熱鬧，有啲風味嘅感覺。餐牌方面選擇比Samsen 嘅多，而且價錢亦都比較相宜和牛船麵$98呢個船麵真係正！湯底極之濃郁，有鮮甜嘅牛血牛骨甜味，又有少少辣，味道相當豐富，加上和牛肉質軟腍，又唔會太肥，而牛丸細細粒又彈牙，再加上炸得脆脆嘅豬皮，同埋通菜，好好味！金邊粉口感滑溜，吊曬湯汁，真叫人滿足。泰式凍奶茶$38呢杯凍奶茶口感香滑，完全唔會有苦澀味，味道香甜又唔會過分嘅甜，入口冰涼，配上辣麵，一流。