Video
Read full review
2015-03-09
342 views
咁岩係佐敦做完d野，夜晚又約左人係尖沙咀，行過見到依度有間仙跡岩分店，仲要係樓上舖，見到下午茶幾吸引，於是上左去。行上去既樓梯舖左草皮，外牆粉紅色，成個環境感覺都好fresh。舖外轉個彎仲有個幾乾淨企理既廁所，仲有埋潔廁香氛，真係加分。我去完洗手間之後入到舖頭，都有唔少上班族，學生坐緊係度。好在唔係太旺場，我簡左沙發卡位坐，好舒服。係落完單之後就聽住店內播住好代表到台灣既周杰倫既歌曲。再問埋店員免費wifi既密碼，之後就好relax咁邊聽歌邊用ipad邊等食。野飲好快就送到台上，我因為有幾聲咳，所以無叫凍飲，叫左熱既珍珠奶茶。我最鐘意佢地用座熱左既茶壺裝住奶茶，將珍珠放茶杯，店員放低後會裝滿半隻杯左右，為免倒太多，飲得慢就好快凍哂。我先飲一啖香滑既奶茶，再用匙羹筆左幾粒彈牙微甜既珍珠，依種感覺係凍珍奶取代唔到，因為熱既奶茶更香。隔左無耐，店員將肉燥米線放低，我已經即刻聞到香味。我一望碗米線，好驚喜，因為佢比起圖片多左好多我鐘意既配料，例如昆布，粟米，椰菜。好多時都係實物差過圖，但今次喜出望外。而且份量同味道都十分好，我仲食到有少少太飽。食飽之後因為想kill time，我繼續慢慢飲奶茶
咁岩係佐敦做完d野，夜晚又約左人係尖沙咀，行過見到依度有間仙跡岩分店，仲要係樓上舖，見到下午茶幾吸引，於是上左去。
行上去既樓梯舖左草皮，外牆粉紅色，成個環境感覺都好fresh。舖外轉個彎仲有個幾乾淨企理既廁所，仲有埋潔廁香氛，真係加分。
我去完洗手間之後入到舖頭，都有唔少上班族，學生坐緊係度。好在唔係太旺場，我簡左沙發卡位坐，好舒服。係落完單之後就聽住店內播住好代表到台灣既周杰倫既歌曲。再問埋店員免費wifi既密碼，之後就好relax咁邊聽歌邊用ipad邊等食。
野飲好快就送到台上，我因為有幾聲咳，所以無叫凍飲，叫左熱既珍珠奶茶。我最鐘意佢地用座熱左既茶壺裝住奶茶，將珍珠放茶杯，店員放低後會裝滿半隻杯左右，為免倒太多，飲得慢就好快凍哂。我先飲一啖香滑既奶茶，再用匙羹筆左幾粒彈牙微甜既珍珠，依種感覺係凍珍奶取代唔到，因為熱既奶茶更香。
隔左無耐，店員將肉燥米線放低，我已經即刻聞到香味。我一望碗米線，好驚喜，因為佢比起圖片多左好多我鐘意既配料，例如昆布，粟米，椰菜。好多時都係實物差過圖，但今次喜出望外。而且份量同味道都十分好，我仲食到有少少太飽。食飽之後因為想kill time，我繼續慢慢飲奶茶，慢慢上網，都無人趕我俾面色我睇。
整體黎講真係好好，環境舒適，店員親切，食物飲品都好，下午茶特別抵食。下次有機會會同朋友去，仲可以試下佢地既甜品。
Post
