八沢 (Closed)

你好，我係M佬！打嚟係想同你講，你知唔知道有人掛住你呀？佢話自從嗰次見完你就念念不忘，好想再咬下你搽咗忌廉Cream嘅幼滑肌膚，充滿彈性，同埋陣陣黑松露香水味。邊個會用黑松露香水㗎？仲有邊個咁變態想咬人？嗰個變態嘅係A姐，不過佢只係想再去上環八沢食黑松露忌廉海鮮烏冬。黑松露忌廉海鮮烏冬就係呢個烏冬啦，A姐好鍾意嗰個好Creamy嘅忌廉湯底，加埋黑松露，真係香到無朋友。烏冬煮得啱啱好，唔會太腍，煙韌得嚟又索晒嗰湯底，又彈牙又滑嘟嘟！帶子大大隻，加埋三文魚，份量十足。黑安格斯肉眼牛扒飯賣相類似日式便當，黑安格斯肉眼燒到外面香脆，有少少焦，不過又能夠保持裏面嘅肉汁，正。加埋個特製蒜蓉燒汁，甜甜地，點牛扒同撈飯都一流。牛舌雖然唔係揀厚切，不過都好厚身，口感豐富，加埋黑椒，好香口。雞翼燒雞翼，我自細鍾意食。鹽燒雞中翼，香脆惹味。豬頸肉豬頸肉一向油脂豐富，燒完之後，充滿油香，正。（記住Like同Share畀朋友）