Video
Read full review
2020-02-21
28 views
喺中環酒吧街附近，見到呢一間專門食串燒嘅餐廳。餐廳嘅裝潢好日本風，而且擺放左好多唔同嘅日本酒，可惜我唔係太飲酒，所以無試到。餐牌上嘅食物都係以串燒為主，亦都有烏冬等等嘅主食，可以填飽個肚。我同朋友嗌左呢一個可爾必思同巨峰提子梳打，飲落去唔會太甜而且好大杯，食串燒一定要飲呢一啲野去中和返！然後好鍾意食牛嘅我，就嗌左呢一個牛舌同埋A5和牛粒串燒！佢嘅牛舌同和牛粒都煮得啱啱好，食落去嘅汁唔會好鹹，而且和牛粒亦都入口即溶嘅感覺。鍾意食雞軟骨嘅我，嗌左一碟炸雞軟骨食，佢食落去唔會好油膩，同埋份量都好多。呢一個燒飯糰個人覺得好特別，亦都好值得試下！佢雖然燒過嚟，但係飯焦食落去好有咬口，而且亦都有少少嘅調味，食落去一啲都唔dry！之後我哋仲嗌左呢一個蘆筍豚肉卷、雞軟骨同免治雞肉棒。佢嘅免治雞肉棒仲可以配佢嘅生蛋，食落去味道啱啱好，而且啲免治肉亦都唔會好鬆散。呢一個大蔥雞肉同茄子，個人認為佢嘅茄子非常之好食，燒得啱啱好而且調味都調得好好！而佢嘅大蔥雞肉雖然啲大蔥燒得燶左少少，但啲雞肉燒得啱啱好，而且好嫩滑。佢嘅粟米個人覺得佢上面嘅牛油搽得啱啱好，而且燒得唔會太過熟。呢一個清酒煮蜆，佢啲蜆粒粒都好大，而
餐廳嘅裝潢好日本風，而且擺放左好多唔同嘅日本酒，可惜我唔係太飲酒，所以無試到。
餐牌上嘅食物都係以串燒為主，亦都有烏冬等等嘅主食，可以填飽個肚。
我同朋友嗌左呢一個可爾必思同巨峰提子梳打，飲落去唔會太甜而且好大杯，食串燒一定要飲呢一啲野去中和返！
然後好鍾意食牛嘅我，就嗌左呢一個牛舌同埋A5和牛粒串燒！佢嘅牛舌同和牛粒都煮得啱啱好，食落去嘅汁唔會好鹹，而且和牛粒亦都入口即溶嘅感覺。
鍾意食雞軟骨嘅我，嗌左一碟炸雞軟骨食，佢食落去唔會好油膩，同埋份量都好多。
呢一個燒飯糰個人覺得好特別，亦都好值得試下！佢雖然燒過嚟，但係飯焦食落去好有咬口，而且亦都有少少嘅調味，食落去一啲都唔dry！
之後我哋仲嗌左呢一個蘆筍豚肉卷、雞軟骨同免治雞肉棒。佢嘅免治雞肉棒仲可以配佢嘅生蛋，食落去味道啱啱好，而且啲免治肉亦都唔會好鬆散。
呢一個大蔥雞肉同茄子，個人認為佢嘅茄子非常之好食，燒得啱啱好而且調味都調得好好！而佢嘅大蔥雞肉雖然啲大蔥燒得燶左少少，但啲雞肉燒得啱啱好，而且好嫩滑。
佢嘅粟米個人覺得佢上面嘅牛油搽得啱啱好，而且燒得唔會太過熟。
呢一個清酒煮蜆，佢啲蜆粒粒都好大，而且個湯亦都可以試吓。
呢一個比目魚雖然百幾蚊，但係我覺得係全晚最好食嘅一碟！佢燒得啱啱好，肉質好亂滑，啲醬汁都好入味，而且食得出佢嘅魚好新鮮！
Post
