佳佳甜品 (Moved) New Location

佳佳由小鋪搬入大鋪都已經好一段時間, 近排更成為「米芝蓮」店之一。榮獲「米芝蓮」係一件值得開心,好光榮的事! 無奈亦是成為無良業主的追擊目標,。見新聞, 佳佳將於下年3月搬往佐敦寧波街, 在搬遷前的呢段時間我們都會選擇繼續幫襯,並約定寧波街再會~佳佳主要出品中式糖水, 而且價錢實惠, 絕不馬虎! 今次飯後就來一碗香滑芝麻糊及一碗芋蓉蓮子西米露~芝麻糊係先人手將芝麻炒香,再慢慢磨成粉而製成, 濃稠度調教得剛剛好, 入口超級細滑,喉嚨感舒服, 甜度偏向少甜,更能嚐到芝麻香,絕對係佳品呀!芋蓉蓮子西米露, 經爐火慢熬,芋頭已變成蓉, 西米粒粒分明, 每一啖都係充滿芋香的西米,絕對係用心之作。加了一份湯丸, 少少甜,配糖水一流~ 另外, 仲有蕃薯糖水, 簡直係冬天必食的糖水, 佳佳的蕃薯糖水真材實料, 選用的蕃薯並非劣貨, 大大舊的金黃蕃薯, 加入大量的薑,食起上來特別辣, 食後感覺身體非一般的暖笠笠!所以列入冬天必食之選。