豊勝手丼 (Moved) New Location

今日同朋友去完銅鑼灣行街街之後去咗附近呢間食日式丼嘅餐廳！就係呢間豊勝手丼啦之前都聽過其他朋友話呢間唔錯！如果佢地想食仲會book位添！所以今次我都醒目提早book咗位先，廢是冇位又要排隊，你知啦血拼完一定好攰！我地大約18:30到咗餐廳！哇估唔到有幾個人排隊。好彩好彩！先睇睇menu 啦！我放大影呢邊啦！因為我揀咗7號 馥之丼！食物製作中嘅時候當然要睇睇店內環境。好有日式味道，而且牆上有牌寫住 本店壽司飯免費任添！好少可見到係免費任添架喎主角終於到了！先食前菜，蟹籽三文魚（熟）沙律🥗！佢個汁係用醋整嘅所以好開胃，味道剛剛好選埋三文魚（熟）。之後就食炸蝦天婦羅🍤，不錯呀！之後再試試個味噌湯！飲落唔會好咸而且都算足料有蘿蔔，紫菜同豆腐等等！個人卻幾鐘意呢個味噌湯！係時候睇睇個丼啦 個帶子燒過而且仲放咗黑松露！而且帶子個size真係拎人哇一聲！絕冇誇大！而吞拿魚腩撈飯都好好味。。。有魚味同有油香，不錯不錯總括下次可以再黎試試其他丼，仲可以介紹比朋友去呀 ，要提佢地一定要book 位