度小月 (海運大廈) (Closed)

終於有機會去試度小月，門口已經見到師傅係到淆製肉燥，未食已經聞到香味。必食既擔仔面，細細碗，加上肉燥同鮮蝦，完全唔會油膩。祖傳肉燥飯，對比起擔仔面，肉燥配飯真係絕配，米飯吸左肉燥既醬汁同油香，正和風秋葵，一見到係秋葵同蕃茄既組合，唔洗諗就即叫，兩樣都超鍾意食，而且酸酸地好開胃。貢丸湯，去台灣一定會食。兩粒肉丸都好夠份量，爽口彈牙。灸燒胡椒肉，呢個係見到人地叫，望落幾好食，所以再加單。五花肉加上胡椒，有少少油香但唔會膩，可以一試。三杯雞煲，例牌台灣菜，無乜野驚喜，反而係份量的確太少，而且雞有碎骨。溫泉絲瓜蛤蜊，純粹係為左食菜而叫，絲瓜幾清甜，但d蛤蜊就食到有沙。雖然各樣既菜式都唔差，但我個人認為有d名過於實，係一般台灣餐廳都做到菜式，但價錢就略貴，而份量就過少。