Video
Read full review
2023-07-08
342 views
🏖天氣熱就真係想食啲酸辣涼拌嘢開下胃，諗起酸辣嘢就梗係想食泰國菜啦。📌深水埗食街美食林立，食泰國菜又真係唔多喎。呢間《泰亞萊》標榜食海南雞飯專門店，樹熊不嬲都係海南雞飯嘅忠實fans，就一於試呢間。📌店舖唔算太大，有七至八張四人枱，用上五顏六色嘅膠凳，感覺就好似去咗泰國坐街邊檔咁，環境已經好有泰國地道風味。📌餐廳推介六大款招牌菜，包括首位嘅招牌海南雞飯，仲有泰式青咖喱湯粉、冬陰功四寶湯粉、黃咖喱蟹肉飯、招牌滷水豬手飯同埋泰式味飯可選豬頸肉、豬扒或者雞扒，由咖哩到冬陰功到滷水到泰式的各種味道都有，真係任君選擇，價錢都係$56至$60，絕對係平民化價錢。📌除咗咖喱飯同湯粉之外，仲有檬粉系列，都非常吸引。📌泰國小食方面唔少得的蝦餅、魚餅、春卷、豬頸肉、生菜包、木瓜沙律、鳳爪，真係應有盡有，多到不能盡錄，價錢大概都係$58至$108，真係相志當抵食。招牌海南雞飯， $58📌海南雞飯忠實fans的樹熊可以話都食盡左100間海南雞飯店，好食唔好食真係問過佢就知啦。傳統的海南雞飯有齊一碟海南雞，一碗雞油飯同一碗雞腳清例湯。首先海南雞都幾大一碟，份量幾多下，有雞胸同雞髀嘅位置，望落去雞皮同雞肉都側
📌深水埗食街美食林立，食泰國菜又真係唔多喎。呢間《泰亞萊》標榜食海南雞飯專門店，樹熊不嬲都係海南雞飯嘅忠實fans，就一於試呢間。
📌店舖唔算太大，有七至八張四人枱，用上五顏六色嘅膠凳，感覺就好似去咗泰國坐街邊檔咁，環境已經好有泰國地道風味。
📌餐廳推介六大款招牌菜，包括首位嘅招牌海南雞飯，仲有泰式青咖喱湯粉、冬陰功四寶湯粉、黃咖喱蟹肉飯、招牌滷水豬手飯同埋泰式味飯可選豬頸肉、豬扒或者雞扒，由咖哩到冬陰功到滷水到泰式的各種味道都有，真係任君選擇，價錢都係$56至$60，絕對係平民化價錢。
📌除咗咖喱飯同湯粉之外，仲有檬粉系列，都非常吸引。📌泰國小食方面唔少得的蝦餅、魚餅、春卷、豬頸肉、生菜包、木瓜沙律、鳳爪，真係應有盡有，多到不能盡錄，價錢大概都係$58至$108，真係相志當抵食。
招牌海南雞飯
$58
8 views
0 likes
0 comments
📌海南雞飯忠實fans的樹熊可以話都食盡左100間海南雞飯店，好食唔好食真係問過佢就知啦。
傳統的海南雞飯有齊一碟海南雞，一碗雞油飯同一碗雞腳清例湯。
首先海南雞都幾大一碟，份量幾多下，有雞胸同雞髀嘅位置，望落去雞皮同雞肉都側壁分離，而且仲有傳說中的骨膠原啫喱層，好明顯冰鎮的功效到家。
鹹鹹地的海南雞肉質好嫩，一啲都唔鞋口，去左骨，真係啖啖肉，冰鎮效果獨到，食落去唔會好油，想再多啲味就可以點下跟上秘製泰式醬汁，酸酸甜甜帶啲啲辣，令海南雞飯在昇華另一種味道，
雞油飯聞落去已經好重雞油香味，粒粒米飯鹹香味好鮮明，有雞油香味但食落去又唔會覺得飯好油，海南雞飯除咗雞係重點之外，雞油飯其實都係精髓嚟㗎。
另外跟上一碗雞腳清湯🍵，都幾足料，大大隻雞腳喺入邊，煲得好淋身，湯味道鹹鹹地，但又冇乜油喎，可以解吓膩。
泰式木瓜沙律
5 views
0 likes
0 comments
點任何食物可以跟餐價加$10叫前菜菜沙律或者$15叫小食。
熊妹最愛吃沙律，唸到泰式木瓜沙律酸酸甜甜都好想食。
望落細細地一兜，食落絕對唔少。木瓜絲每條粗幼都大小均勻，每條木瓜絲都浸滿泰式酸辣汁，酸酸辣辣加埋魚露，調味得非常之恰當，仲有啲花生粒，呢個木瓜沙律真係無得頂！可以話係熊妹暫時食過的木瓜絲沙律中最好味的一間！
仲有一兩片生菜🥬疊底可以包埋木瓜絲食，係沙律生菜包，又新鮮又健康！
泰式豬肉生菜包
$58
3 views
0 likes
0 comments
熊妹唔好飯食，最愛泰式生菜包，當然係必點項目。
嘩！好大一兜豬肉碎呀！用上藤籃盛裝，擺盤都好有心思！💕
肉碎炒得好香，放左葱頭、辣椒粉、芫荽同泰式香料調味，食落去幾辣又帶點豬肉的油脂，十分惹味！仲要有一大兜生菜籃🧺，超碼有十幾片，熊妹每餐都要食菜，呢籃生菜係超級超級新鮮，勁翠綠，洗得又好乾淨，熊妹最滿意係肥豬肉粒唔多，一片爽脆的生菜包起一羹肉碎粒，又可以中和返肉碎粒的油膩同辣度，滿口都係肉碎粒，真係又滋味又滿足！
泰式炸蝦餅(兩件）
4 views
0 likes
0 comments
📌泰式小食黎講，樹熊最鐘意食蝦餅，緊係追加小食兩件俾佢試下喇。
蝦餅兩件其實係一件切半，即係有兩件半件。不過半件都好大一件，炸到熱辣辣先拎上碟， 非常有誠意，唔會係炸咗好耐，有order就即拎出嚟咁。
蝦餅口感好有驚喜，好彈牙，超有咬口，味道鹹鹹地又有蝦味，唔點醬已經好夠味，如果點上泰式辣醬又係另一番風味，簡單啲嚟，點唔點醬都好味。
泰式酸辣鳳爪
$58
3 views
0 likes
0 comments
📌樹熊一直都好想食泰式鳳爪，識食就緊係喺泰國餐廳食。
又係用上滕碟裝住，份量好多，睇落都有十幾二十舊。用好多辣椒蒜蓉洋蔥片撈埋魚露造成嘅醬汁，酸酸甜甜辣辣，令到鳳爪識落仲好爽口好夠味，醃製的時間啱啱好，唔好熱得太耐令到鳳爪變淋但係又做到浸入味，真係好有水準。
泰式檸茶（左），青檸梳打（右）
1 views
0 likes
0 comments
樹熊鐘意飲檸檬茶🍹，淨係鐘意飲檸檬茶，好彩《泰亞萊》都有檸茶，係泰式檸茶，幾特別喎。
泰式檸茶同港式檸茶好唔同，唔會有幾片新鮮檸檬🍋篤篤篤，所以無咁酸味零係偏甜啲，泰國茶底茶味都比較特別，同港式檸茶用上的紅茶底唔同，無咁濃茶味。
青檸梳打（右），跟餐價，加$8
熊妹呢排鐘意左飲梳打，因為食完咁多濃味嘅嘢想gur一gur去。
青檸酸酸味再加入經典嘅象牌梳打水，好解喝，gur一gur，好舒服。餐廳好貼心，會跟上一瓶糖水自行調教甜味，鍾意幾甜都係自己話事。
📌原本只係隨機揀咗間泰國餐廳嚟食，估唔到味道係咁出色，果然美食在民間，平民價錢得來食物味道要咁正宗，真係要絕對要再三encore。📣
Post
