Dodam Chicken (利舞臺廣場)

Open Now

Now Closed

久違了的飯局，舊同事回流一段時間，好快又要飛返去，趁大家仲係香港即聚下來懷念過去，就腳之下到銅記食飯，揀了呢間韓國過江龍Dodam Chicken，炸雞好似幾正，一於試下，因為happy friday必多人book定位好點，thanks友人book位。餐牌，食物上都幾多選擇，見到有個人氣雙重芝士麵包辣烤雞，必食呢。酸蘿蔔，開胃。YUJA(柚子)，$128，少許酒味，清新之感。雙重芝士麵包辣烤雞，$218，賣相有霸氣夠吸引，而且份量十足，麵包內承載澎湃的芝士，芝士味道濃郁，伴上鬆軟的麵包食好美味~雞肉份量多好惹味呢。白雪芝士雞，$202，大量芝士份，芝士味濃郁，偏甜甜地，雞香口惹味。照燒汁焗魷魚，$175，味道鮮甜，口感脆嫩，幾好味呢。食物味道不俗，環境坐得舒適有氣氛。4人一聚，即想起以前lunch時同大家的點點滴滴(因為真係好多年同事)，而加不論同事、朋友及親戚大家各散東西，生活忙碌地點遙遠好難聚，真係要珍惜相處的日子(我諗唔只我一個，好多香港人都經歷梗了)，好彩WHP都可聯繫下wwwwwwww。沙不怕風吹 在某天定會凝聚。