Video
Read full review
2004-07-09
0 views
成日想夜晚來吃串燒又找不到空檔，就趁今日無約人食飯，專誠坐船來吃個午餐。但見隔離間港式西餐廳就排大隊，呢邊就無咩人，可見門面幾咁重要！午餐照例一碗飯加個味噌湯18蚊，好似多左幾款選擇，除左飯亦可以叫拉麵。一時十五分來到，來的時候只有一位客人，都幾替佢擔心。選了一個最埋邊的位坐低，向著廚房的老闆叫「e-do ka-re-ton….」，個老闆側起頭有點唔明，結果都係講「咖哩豬肉飯，唔該！」佢至明，可能我的港式日語說得實在越來越差，又或是個老細做到有點傻傻地！味噌湯有豆腐粒在內，飲落是有點鹹；咖哩豬肉飯的咖哩偏稀，亦很多，浸滿一碗，怕不夠汁撈的如我就正好；日式咖哩是假咖哩，甜甜地完全不辣，豬肉白白的賣相麻麻地，但食落又幾好味，唔太韌又幾有咬口，配合咖哩，幾好喎！以18蚊的飯來說，是交足功課。份量不少，食得飽飽的。連一罐可樂，24蚊，平！都係果句，好唔好食就見仁見智，但就抵食又夠飽，總好過食老麥或連鎖快餐店。雖然食店環境仍然淺窄，但呢餐對我來說都有兩個增值位：一是食到中途陸續有客人到來，一點半左右細小的舖子已經坐滿人，而最特別的是，全店也是OL，只得我一個男顧客，多開心！二是原來飯前氯後搭下船
一時十五分來到，來的時候只有一位客人，都幾替佢擔心。選了一個最埋邊的位坐低，向著廚房的老闆叫「e-do ka-re-ton….」，個老闆側起頭有點唔明，結果都係講「咖哩豬肉飯，唔該！」佢至明，可能我的港式日語說得實在越來越差，又或是個老細做到有點傻傻地！
味噌湯有豆腐粒在內，飲落是有點鹹；咖哩豬肉飯的咖哩偏稀，亦很多，浸滿一碗，怕不夠汁撈的如我就正好；日式咖哩是假咖哩，甜甜地完全不辣，豬肉白白的賣相麻麻地，但食落又幾好味，唔太韌又幾有咬口，配合咖哩，幾好喎！以18蚊的飯來說，是交足功課。份量不少，食得飽飽的。連一罐可樂，24蚊，平！都係果句，好唔好食就見仁見智，但就抵食又夠飽，總好過食老麥或連鎖快餐店。
雖然食店環境仍然淺窄，但呢餐對我來說都有兩個增值位：一是食到中途陸續有客人到來，一點半左右細小的舖子已經坐滿人，而最特別的是，全店也是OL，只得我一個男顧客，多開心！二是原來飯前氯後搭下船，係幾寫意的，十二點九離開公司，兩點就已經坐番埋位，剛剛好。
Post