Video
Read full review
2022-03-30
352 views
台灣俾人嘅印象一直都係滿滿的人情味（和美食！）。最近屋企附近開咗間來自台東嘅小店，以台東景點鐵花村命名，店內有好靚嘅彩繪熱氣球燈、手繪牆畫同台東旅遊景點介紹，加上熱情嘅店主招待，令人感覺好親切，食完更加掛住台灣啊～下午茶時段嚟到有抵食茶餐，有多款台式小食揀仲附送指定手搖飲品（其他飲料有半價優惠）。滷肉飯嘅半肥瘦豬肉滷得入味，入口即化，拌飯一流！依度嘅滷肉飯特別在加咗台灣肉鬆，米飯以珍珠米混合紅藜，香口得嚟更有營養價值。肉鬆起司蛋餅餅皮厚薄適中口感軟Q，配上簡單嘅餡料，熱辣辣食特別好味～店主亦推介咗兩款小吃－五味醬白肉甜甜辣辣幾開胃，薄片白肉配上秘製醬汁一啲都唔覺肥膩。臭豆腐係夜市嘅味道（好懷念！），豆腐由台灣入口，炸出嚟金黃酥脆，醬汁唔落太多，配埋台式泡菜，十分回味。手搖飲料走健康路線，味道天然甜度易接受－鳳梨奶蓋烏龍嘅甜味嚟自鳳梨汁，奶蓋輕盈絲滑帶奶香，珍珠奶茶都係回憶中嘅味道。最後唔少得一份九份芋圓－芋圓地瓜圓Q彈軟糯，配搭粉圓、仙草、紅豆，淡淡嘅甜味加上桂花點綴，賣相更靚。店主話夏天會推出剉冰，好期待呢！
最近屋企附近開咗間來自台東嘅小店，以台東景點鐵花村命名，店內有好靚嘅彩繪熱氣球燈、手繪牆畫同台東旅遊景點介紹，加上熱情嘅店主招待，令人感覺好親切，食完更加掛住台灣啊～
下午茶時段嚟到有抵食茶餐，有多款台式小食揀仲附送指定手搖飲品（其他飲料有半價優惠）。
滷肉飯嘅半肥瘦豬肉滷得入味，入口即化，拌飯一流！依度嘅滷肉飯特別在加咗台灣肉鬆，米飯以珍珠米混合紅藜，香口得嚟更有營養價值。
肉鬆起司蛋餅餅皮厚薄適中口感軟Q，配上簡單嘅餡料，熱辣辣食特別好味～
店主亦推介咗兩款小吃－五味醬白肉甜甜辣辣幾開胃，薄片白肉配上秘製醬汁一啲都唔覺肥膩。
臭豆腐係夜市嘅味道（好懷念！），豆腐由台灣入口，炸出嚟金黃酥脆，醬汁唔落太多，配埋台式泡菜，十分回味。
手搖飲料走健康路線，味道天然甜度易接受－鳳梨奶蓋烏龍嘅甜味嚟自鳳梨汁，奶蓋輕盈絲滑帶奶香，珍珠奶茶都係回憶中嘅味道。
最後唔少得一份九份芋圓－芋圓地瓜圓Q彈軟糯，配搭粉圓、仙草、紅豆，淡淡嘅甜味加上桂花點綴，賣相更靚。
店主話夏天會推出剉冰，好期待呢！
Post
