奈良上釜 (Closed)

今日去左呢間食釜飯嘅餐廳食午餐，餐廳有十幾個位，唔會好迫，兩點先食飯好肚餓即刻叫野食，我揀左海膽釜飯而朋友揀左蟹釜飯。首先黎嘅係前菜，有蒸蛋、凍豆腐同漬物，可以慢慢食等個飯，蒸蛋都幾足料，有蟹肉、三文魚子、冬菇同嗚門卷，小小一件凍豆腐加芝麻醬幾開胃！等左好幾個字個釜飯先黎，打開蓋都幾足料，差唔多有成板海膽，我即刻拎一半海膽岀黎，另一半就撈飯，咁就可以一啖海膽一啖飯，我覺得咁樣食有口感啲，海膽無乜腥味，不過個鍋都幾深所以好多飯，一個女仔食唔曬。朋友個蟹釜飯一樣咁足料，仲有三文魚子，口感味道都唔錯！