PHI Coffee & Pancake (山頂廣場)

Open Now

Now Closed

同朋友行山來到山頂，今日喺朋友帶我第一次去行西高山同埋松林炮台，喺山頂廣場發現咗呢間新開嘅cafe，清新文青feel，咁就決定咗喺度食嘢，之後先去行山。“青醬大蝦意大利飯”啲青醬嘅顏色好吸引，而且有4隻蝦好新鮮，入面仲有啲菇類嘅嘢，啲飯都有質感，整體嚟講都好唔錯。“雜莓法式吐司”有紅莓藍莓同埋士多啤梨，仲有一球雪糕，又好食又靚仔。"焦糖蘋果梳乎厘"，呢度嗰梳乎厘真係好，係我食過最好味之一，好有空氣感，舖喺底的焦糖蘋果亦非常之多，有少少食蘋果批的味道，多重滋味在心頭。“抹茶鮮奶”個拉花普通D，但抹茶味係好濃郁嘅，“士多啤梨梳打”好飲亦適宜打卡。