霸嗎拉麵 (Moved) New Location

今日試左呢間黎自廣島的拉麵店, 等左大概10分鐘就入到去, 呢度同日本一樣都有提供冰水比客人, 先清一清味蕾再食。不過因為店子小, 位同位之間距離好近, 所以有點焗束既感覺。同埋好肚餓既關係, 時次點左特盛炙燒豚肉拉麵, 呢度既湯底十分濃郁, 濃厚既豬骨湯, 而呢個特盛拉麵比其他正常既拉麵多左一倍既豚肉, 但食到一半已經覺得超膩, 所以都係建議點返正常既份量。亦叫左一客羽根燒餃子, 佢係即叫即煎的, 所以食既時候亦要小心熱, 而餃子皮薄餡靚, 咬上去仲keep到肉汁, 唔會好乾。