THE MATCHA TOKYO (南豐紗廠)

Open Now

Now Closed

前排去咗荃灣南豐紗廠行下市集，仲有好多狗主人係度放狗，好熱鬧，好快就過咗個休閑下午，見天氣熱又行到攰，去咗呢間cafe坐低食吓嘢。呢間係我之前上網有留意開，bookmark咗一段時間，所以一話搵地方休息我就即刻提議去呢間！我地叫咗2樣嘢，一杯飲品同一杯雪糕。飲品係抹茶香蕉奶昔，$48，抹茶係底，記得攪勻先飲。抹茶同香蕉味同時出嚟，飲落又無咩違和感，個味道都幾得意。另外天氣太熱，見到有雪糕食已經心心眼！叫咗呢杯牛角包窩夫配抹茶軟雪糕及北海道牛乳雪糕，$68，2件牛角包窩夫插咗係上面，都幾脆同埋幾有牛油味。雪糕有2隻味，2隻味我都覺得唔錯。