常得館湖南米線

Open Now

Now Closed

之前係舊舖都見到幾多人食，成日都想去嚟試下。搬左新位置，更加方便，近返元朗市中心。本身都幾驚會好辣，貼近返湖南口味，但有得揀辣度，啱哂我食開微辣嘅人😜😜湖南麻辣牛肉米線，食完都覺得係餐廳招牌之一。朋友揀左小辣，對我嚟講都有啲辣。加入左蒜蓉同蔥粒更加惹味。牛肉帶有脂肪，肉質軟腍，食落都幾香口。牛肉辣辣地，加埋湯底係香而辣😋😋豬軟骨冬菇米線，叫左微辣，食食下就覺得唔夠辣，加左枱面嘅辣椒粒。而豬軟骨肥瘦適中，冬菇炆到好淋。但最好食嘅都係啲米線，同一般米線唔同，湖南米線係用大米製成，好香米味，又唔會煮到淋哂，加埋每日新鮮煲嘅豬骨湯底，食完都唔口渴👍🏻👍🏻夏天飲凍檸茶真係好爽，消暑之餘又解辣🤩🤩