Video
Read full review
2024-11-10
201 views
[ 文興酒家 ]大埔竟然有一間來自英國倫教🇬🇧嘅中菜廳！佢地係倫敦開業三十多年，招牌燒鴨🔥🦆更被 英國金融時報 譽為世上最好食嘅燒鴨，查理斯王子 都食過，嚟咗香港開分店當然要試吓。小食✿ 川辣藕片 $48✿ 太白花雕醉鮑魚 $58兩款都係涼伴開胃小食，蓮藕片伴麻辣汁又幾夾，切成一片片嘅鮑魚酒味香醇。湯類🥣✿ 每日靚湯 $38/碗原盅青紅蘿蔔湯好足料，味道清甜無味精。燒味✿ 燒味雙拼 $148必食 粵式燒泰國櫻桃鴨🔥🦆，佢地燒鴨與坊間酒樓最大分別係起骨上碟。燒鴨採用泰國櫻桃谷鴨，皮薄充滿油香，肉質嫩滑，配埋鴨醬味道更豐富。另外拼 蜜汁叉燒王🔥🐷，肥瘦均勻，兩款燒味都啖啖肉😋。主菜✿ 特色酸菜沙巴龍躉 $348 🐟呢道酸菜魚特別於用上原條沙巴龍躉，肉質柔嫩有彈性，魚湯湯底麻香辣惹味，配料超足有酸菜、花椒粒、蓮藕、萵筍、薯粉等。✿ 黃金炸大腸 $108大排檔小炒常見菜式，外皮脆脆又香口😋。炒粉麵飯✿ 文興招牌炒飯 $128 炒飯份量十足又足料，有蝦仁、櫻花蝦等，幾乎每口炒飯都有蛋白，口感鬆軟，香口而唔會太油太鹹👍。甜點🍮✿ 中式心太軟 $48/位見到個名估唔到係咩嘢🤔，原來係椰汁桃膠蛋白燉奶
大埔竟然有一間來自英國倫教🇬🇧嘅中菜廳！佢地係倫敦開業三十多年，招牌燒鴨🔥🦆更被 英國金融時報 譽為世上最好食嘅燒鴨，查理斯王子 都食過，嚟咗香港開分店當然要試吓。
小食
✿ 川辣藕片 $48
✿ 太白花雕醉鮑魚 $58
兩款都係涼伴開胃小食，蓮藕片伴麻辣汁又幾夾，切成一片片嘅鮑魚酒味香醇。
湯類🥣
✿ 每日靚湯 $38/碗
原盅青紅蘿蔔湯好足料，味道清甜無味精。
燒味
✿ 燒味雙拼 $148
必食 粵式燒泰國櫻桃鴨🔥🦆，佢地燒鴨與坊間酒樓最大分別係起骨上碟。燒鴨採用泰國櫻桃谷鴨，皮薄充滿油香，肉質嫩滑，配埋鴨醬味道更豐富。
另外拼 蜜汁叉燒王🔥🐷，肥瘦均勻，兩款燒味都啖啖肉😋。
主菜
✿ 特色酸菜沙巴龍躉 $348 🐟
呢道酸菜魚特別於用上原條沙巴龍躉，肉質柔嫩有彈性，魚湯湯底麻香辣惹味，配料超足有酸菜、花椒粒、蓮藕、萵筍、薯粉等。
✿ 黃金炸大腸 $108
大排檔小炒常見菜式，外皮脆脆又香口😋。
炒粉麵飯
✿ 文興招牌炒飯 $128
炒飯份量十足又足料，有蝦仁、櫻花蝦等，幾乎每口炒飯都有蛋白，口感鬆軟，香口而唔會太油太鹹👍。
甜點🍮
✿ 中式心太軟 $48/位
見到個名估唔到係咩嘢🤔，原來係椰汁桃膠蛋白燉奶，口感嫩滑唔會太甜。
總結🫦
估唔到大埔有呢間英國流傳返香港嘅中菜廳，招牌燒鴨 值得一試。中環都有分店，一班人想食中菜又多個選擇👍。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
文興酒家
地址：大埔大明里5號寶華樓地下2號舖
電話：2981 2212
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
