125
47
10
Level1
1
0
侍應態度惡劣叫我哋起身走
2024-08-07 454 views
今日我同兩個男同事嚟食晏，我懷孕六個月，因為仲早，所以餐廳都仲有位可以直入。侍應比咗張四人卡位我哋，我哋就正常咁兩個坐一邊，另一個坐第二邊。點知個侍應即刻要求我哋三個人要坐哂同一邊，話另外一邊要用嚟一陣搭枱用。張枱係正常茶餐廳卡位嘅size，而全間餐廳其他卡位亦只係兩個人坐一邊，我哋問張枱咁細點樣三個大人坐埋一邊？個中年女侍應就即刻趕客咁嘅語氣話「你唔接受嘅就即刻起返身等下一張」 我哋話點解全間餐廳得我哋要三個坐一邊但其他人唔駛？佢就不停咁重覆話「你唔接受就唔該你起返身」完全想像唔到會發生咁嘅事! 中午時間人多要搭枱好正常我哋亦好願意，但喺餐廳未滿座嘅情況下要兩個大男人同一個大肚婆迫埋一邊卡位如果唔係就趕你走就真係好唔合理囉，呢間餐廳以後都唔會再去😤
Read full review
今日我同兩個男同事嚟食晏，我懷孕六個月，因為仲早，所以餐廳都仲有位可以直入。侍應比咗張四人卡位我哋，我哋就正常咁兩個坐一邊，另一個坐第二邊。點知個侍應即刻要求我哋三個人要坐哂同一邊，話另外一邊要用嚟一陣搭枱用。

張枱係正常茶餐廳卡位嘅size，而全間餐廳其他卡位亦只係兩個人坐一邊，我哋問張枱咁細點樣三個大人坐埋一邊？個中年女侍應就即刻趕客咁嘅語氣話「你唔接受嘅就即刻起返身等下一張」

我哋話點解全間餐廳得我哋要三個坐一邊但其他人唔駛？佢就不停咁重覆話「你唔接受就唔該你起返身」

完全想像唔到會發生咁嘅事! 中午時間人多要搭枱好正常我哋亦好願意，但喺餐廳未滿座嘅情況下要兩個大男人同一個大肚婆迫埋一邊卡位如果唔係就趕你走就真係好唔合理囉，呢間餐廳以後都唔會再去😤
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Dining Method
Dine In