Video
Read full review
2010-12-10
232 views
一週內第二次出席喜宴，好在今次係滿月酒，唔使太破費！今次的喜宴又令我大開眼界，服務異常奇怪，食物又層出不窮！先講服務，總數有三位女侍應主力招呼，其中一個隔一陣就會拎住支酒，唔係問人要唔要，係直接話"要多少少酒啦"，講的同時支酒已經埋到杯邊準備斟落去，當正自己主人家咁！另一奇聞係食到中段停咗唔上菜，個女侍應就企咗喺望住個電視睇劇集，賣廣告就收下碗、斟嘢飲望望有無菜上，然後繼續睇電視，仲睇得投入過我哋！ 講開電視，個廳得一部LCD電視，正正對住我哋嗰圍，可能天線的問題，成晚都好多雪花，但D女侍應無去攪攪，照睇可也！講完服務就講食物，平淡中偶有驚喜，但失望無癮為多，今次由最好講到最差啦，先甜後苦！1. 壽包 - 每個都拳頭的size，包皮略嫌厚少少，但好在蓮蓉都唔少，平衡番，每個都有一粒的咸蛋黃，喜宴的尾聲帶來唯一的歡喜！2. 炸子雞 - 可能因為前面唔係食得太飽，所以都食咗幾件雞，皮脆，肉嫩，總算今晚令我飽！3. XO醬爆花姿及珊瑚 - 有XO醬的野味，翠玉瓜仍有翠綠的甜味，可惜花姿片及及珊瑚蚌唔夠每人一舊，並且大細不一，唔公平！4. 鮑汁北菇鮑片 - 鮑片又係唔夠數，無得食！自己又唔食冬
先講服務，總數有三位女侍應主力招呼，其中一個隔一陣就會拎住支酒，唔係問人要唔要，係直接話"要多少少酒啦"，講的同時支酒已經埋到杯邊準備斟落去，當正自己主人家咁！另一奇聞係食到中段停咗唔上菜，個女侍應就企咗喺望住個電視睇劇集，賣廣告就收下碗、斟嘢飲望望有無菜上，然後繼續睇電視，仲睇得投入過我哋！ 講開電視，個廳得一部LCD電視，正正對住我哋嗰圍，可能天線的問題，成晚都好多雪花，但D女侍應無去攪攪，照睇可也！
講完服務就講食物，平淡中偶有驚喜，但失望無癮為多，今次由最好講到最差啦，先甜後苦！
1. 壽包 - 每個都拳頭的size，包皮略嫌厚少少，但好在蓮蓉都唔少，平衡番，每個都有一粒的咸蛋黃，喜宴的尾聲帶來唯一的歡喜！
2. 炸子雞 - 可能因為前面唔係食得太飽，所以都食咗幾件雞，皮脆，肉嫩，總算今晚令我飽！
3. XO醬爆花姿及珊瑚 - 有XO醬的野味，翠玉瓜仍有翠綠的甜味，可惜花姿片及及珊瑚蚌唔夠每人一舊，並且大細不一，唔公平！
4. 鮑汁北菇鮑片 - 鮑片又係唔夠數，無得食！自己又唔食冬菇，不過發現D冬菇好大隻，有隻仲係連體菇打孖；自己就食菜，幸好D菜都上到D鮑汁味，無咁dry！
5. 乳豬全體 - 成晚的第一道，太肚餓，所以唔理好醜，落咗肚先算，脆皮有肉食，攪笑係奉上麵皮，唔match的感覺！
6. 蒸海斑 - 條魚蒸唔熟，食到無晒癮，唔知係自知蒸唔熟，定新煮法，落咗肉絲，無魚食就唯有食肉絲lor。
7. 龍蝦伊麵 - 唔多肉，每人得一少舊，連隻鉗都無咩肉，最離奇係得三隻鉗，仲有隻去咗邊呢........
8. 糯米飯/伊麵 - 伊麵太濕，糯米飯無料，又無味，失敗！
9. 海鮮卷 - 就係中場等咗好耐之後的一道，仲以為係炸唔切，點知咬落都只係暖，條卷又唔飽滿，最攪笑係碟中間放咗幾粒啫喱，裝飾之餘又可填滿隻碟的空間，聰明！
10. 三色糖水 - 包括楊枝金露、紅豆沙及蕃薯糖水。蕃薯糖水無咩水，得大大舊蕃薯；紅豆沙超甜；楊枝金露好奶！
食物欠質素，又無服務，應該被邀請先會再嚟！
Post