Video
Read full review
2009-05-07
15 views
今次是為了儲印花, 才第二次來光顧. 可惜今次去, 印象極差. 我都係第一次食飯食到一半忍唔住要拎部相機拍低佢, 而且無食晒就埋單走. 環境可以地方尚算濶落, 有兩個大廳. 每個放有大概二三十張四人檯, 兩邊有電視, 我晚上八時去, 播放著三色台的連續劇. 木檯木餐椅, 污嘈有漬的推廣餐牌直放在檯中央. 今日全場有八成滿, 環境嘈雜, 食客以家庭客一家大細去食居多.侍應反應慢態度差四位制服不整齊的侍應, 其中一位男侍應把水漬還未抹乾的餐牌倒轉放在我面前, 過了膠的內頁依然黐手. 我看了餐牌三分鐘, 選定好食物之後, 嘗試找一位侍應給我寫菜, 可是四周張望, 望完又望, 望了三分鐘都未有醒目的侍應懂得過來, 最後只有舉高手才可以點菜.(侍應態度問題請繼續睇落去)食物將貨就價本來幾十蚊食日本菜唔會有太高期望, 但真係食唔到. 飯粗而且凍, 咬得一口粉的; 漬物太乾, 麵鼓湯凍, 水太多開得太稀, 而且味道不平均. 畢竟這個價錢, 還可接受... 但我叫的網燒牛肉定食, 薄薄的牛肉咸味完全蓋過牛肉味, 加上約七成熟的牛肉, 厚薄大小切得不平均, 中間幾塊還有血腥味. 最重要的係牛肉太多筋,
環境可以
地方尚算濶落, 有兩個大廳. 每個放有大概二三十張四人檯, 兩邊有電視, 我晚上八時去, 播放著三色台的連續劇. 木檯木餐椅, 污嘈有漬的推廣餐牌直放在檯中央. 今日全場有八成滿, 環境嘈雜, 食客以家庭客一家大細去食居多.
侍應反應慢態度差
四位制服不整齊的侍應, 其中一位男侍應把水漬還未抹乾的餐牌倒轉放在我面前, 過了膠的內頁依然黐手. 我看了餐牌三分鐘, 選定好食物之後, 嘗試找一位侍應給我寫菜, 可是四周張望, 望完又望, 望了三分鐘都未有醒目的侍應懂得過來, 最後只有舉高手才可以點菜.
(侍應態度問題請繼續睇落去)
食物將貨就價
本來幾十蚊食日本菜唔會有太高期望, 但真係食唔到. 飯粗而且凍, 咬得一口粉的; 漬物太乾, 麵鼓湯凍, 水太多開得太稀, 而且味道不平均. 畢竟這個價錢, 還可接受... 但我叫的網燒牛肉定食, 薄薄的牛肉咸味完全蓋過牛肉味, 加上約七成熟的牛肉, 厚薄大小切得不平均, 中間幾塊還有血腥味. 最重要的係牛肉太多筋, 三塊食一半吐一半, 三塊完全咬唔到, 另外兩塊根本唔係肉. 另外跟一舊菜, 乾到變黃唔敢食, 最後無食.
(另外點菜前見到三文魚橙得無光澤, 乾巴巴的唔新鮮, 所以唔敢叫魚生)
長腳蟹沙律無蟹肉
講多無謂, 先看相片.
相片中塊狀的綠色蔬菜變成了實物青色條狀的不知什麼東東, 又凍又乾又無味道; 廉價水果相片中大大粒舖得緊質質, 實物總數唔超過十粒, 而且每粒都小得可憐, 唔超過 2 立米厘米; 最過份係竟然無蟹肉!
我問經理點解蟹肉沙律無蟹肉? 經理拎住碗野返去問師傅的問題才精彩: "係唔係放漏左蟹肉?"
師傅望接二連三向我望過來, 過程中手部有所動作. 我心裡一寒.
加入了的幾舊爛溶溶的蟹肉/蟹絲之後, 侍應把沙律再次掉到我面前 (注意係掉, 大排擋上碟頭飯的"掉"), 完全唔覺有問題, 無道歉甚至無解釋就走開. 我事後問職員點解同餐牌完全唔同樣, 佢話餐牌入面果隻菜唔係成日有, 其他就會同師傅反映.
$42 的沙律, 唔知食菜食水果定食乜野, 廣告與現實完全兩個樣, 貨不對版, 有被騙的感覺
用信用卡結賬有優惠, 但唔收卡
職員話, 未滿 $200 (忘記了還是 $250) 唔收卡, 所以強逼我用現金
唔老實, 唔俾印花我
找錢時沒有給我印花, 本來想跟它討回來, 但心想我一定不會再來光顧, 算了吧 (可能佢都係咁諗)
Post
