美談韓國

Open Now

Now Closed

嗰日幾個同事一齊食飯，就去咗我哋嘅「公司飯堂」。我以前都有食過美談，不過係搬之前。今次係佢搬咗之後，我第一次食。鋪頭除咗有室內位之外，仲有室外食韓式燒烤嘅枱。一入到鋪內，除咗係室內變得比較溫暖，仲有嗰度嘅人同食物，啱晒哩幾日咁凍嚟食。講返啲食物，因為哩幾日都凍，所以我揀咗牛肋骨湯飯暖暖個胃，而我其中兩位同事都不約而同揀咗湯飯，一位揀咗石鍋飯。上牛肋骨湯飯時，老闆親自拎俾我，我遞隻手過去接，佢都要serve到我個位前面，真係好有愛。牛肋骨湯飯性價比極高，雖然要$80，但係滿滿一大碗，最重要係湯底無牛騷味。好快就俾我飲晒食晒。除咗主菜，佢會附送兩個配菜，因為我哋4個人，一人兩個，咁就幾乎所有配菜齊晒。炸雞無骨配上韓式甜辣醬，正！仲有泡菜煎餅都一樣唔太貴又好味，性價比高之作。我朋友整緊個石鍋飯嘅時候，老闆見到佢個飯撈得唔均，於是親手幫佢撈均，好warm。而且店員都不時同我哋噓寒問暖，係阿珠媽嘅愛呀。埋單以為會好貴，原來午市炸雞只係$80就有8件。