Video
Read full review
2019-05-22
462 views
自從寫字樓搬左後，好耐都無來過呢度附近了，今日難得放假，約左啲舊同事傾計，一於去以前嘅飯堂金鳳食個扒。我一向鍾意食牛柳，貪佢夠淋，今次都唔例外，依然係咁好味，加埋蒜蓉香噴噴，正!朋友叫左個牛小排，好大份好跨張，無牛柳咁淋，但勝在牛肉味香，原來而家配菜有炸薯格，好驚喜。另外仲叫左個叫做貴族牛扒餐，聽啲侍應阿姐講係新出的介紹比我地食，我初頭以為呢啲老舖唔會有新野，原來都唔係。即管叫份來試吓，嘩呢個真係值得試，外面煎得脆脆地，一切落去好多肉汁，肉質夠淋肉味濃，下次我都要叫番份食吓。題外話，隔離張枱傾傾吓計開心過頭倒瀉左杯凍檸茶落個身到，啲侍應阿姐拿拿聲拎住啲紙巾跑過去比佢抹番件衫，又問佢要唔要濕毛巾，仲問佢要唔要幫佢換位，雖然啲侍應阿姐講野大聲啲，但勝在夠真情，有人味，真係難得!
我一向鍾意食牛柳，貪佢夠淋，今次都唔例外，依然係咁好味，加埋蒜蓉香噴噴，正!
朋友叫左個牛小排，好大份好跨張，無牛柳咁淋，但勝在牛肉味香，原來而家配菜有炸薯格，好驚喜。
另外仲叫左個叫做貴族牛扒餐，聽啲侍應阿姐講係新出的介紹比我地食，我初頭以為呢啲老舖唔會有新野，原來都唔係。即管叫份來試吓，嘩呢個真係值得試，外面煎得脆脆地，一切落去好多肉汁，肉質夠淋肉味濃，下次我都要叫番份食吓。
題外話，隔離張枱傾傾吓計開心過頭倒瀉左杯凍檸茶落個身到，啲侍應阿姐拿拿聲拎住啲紙巾跑過去比佢抹番件衫，又問佢要唔要濕毛巾，仲問佢要唔要幫佢換位，雖然啲侍應阿姐講野大聲啲，但勝在夠真情，有人味，真係難得!
Post
