鳴門魚市場居酒屋 (Closed)

大半年冇去西營盤，咁啱午飯時間見完個客，順便一人食個午飯。第四波疫情以黎已經好少堂食！所以真係要揀一間好好味嘅去！提起西營盤久不久就會記起口鳴門嘅水準魚生飯，一於又去幫襯啦。店舖比較細，坐位與坐位之間比較窄，疫情期間自然要減少位置，好彩唔駛等位，店員一如以往爽快有禮貌。水準都係保持得咁好！讚！🍣🍱今次點海膽飯拼帶子飯。忘記了價錢，兩個小碗都係我最鐘意食嘅魚生！真係太感動了！🍚海膽飯海膽鮮味，配好幾串海葡萄完全唔馬虎，咸咸地又爽脆，令成個飯雙重口感！好味！🍚大大粒鮮帶子配魚籽同紫菜，軟淋淋嘅鮮帶子燒輕輕燒過，加埋魚籽又係咬落卜卜聲，又係雙重口感超好味！