老掌櫃東北菜館 (利奧坊)

Open Now

Now Closed

同啲朋友H H完，諗住求其食碗麵就返屋企。點知成班high high地入咗佢老掌櫃，搬咗舖之後都未試過，就試吓佢水準有冇改變。志在飲完酒有啲嘢落吓位，所以叫得唔係好多小食，叫咗個海蜇頭酸酸地成個人醒一醒。土豆絲都做得好爽口。跟住個雞軟骨，好香口，再嚟兩支青島爽到震。辣湯麵，好耐冇食過，酸辣做得恰當。其實好怕食呢啲麵條，但係佢煮得好好唔會有種粉粉地嘅感覺。個豬扒擔擔麵都好食，但係如果個擔擔麵可以再辣啲就好啦，花生味唔算好濃。牛肉餡餅都好正唔會太騷。另外嗰三鮮蒸餃煎到上脆又爆汁。唯獨係個豆沙窩餅就Hea咗少少。同埋就係唔鍾意佢呢度淨係收現金，如果要叫啲主要嘅話，就要預備多啲cash過嚟食飯。事次用餐為自費。