Video
Read full review
2021-08-13
2931 views
🛍嘩！幾難得約到瑪姬皇后見過快面，飲杯咖啡食個Tea，熊妹發現「MOKO Mall」最新開咗呢間日系咖啡店《Sonia Coffee》，咁真係要身先士卒，先睹為快啦。📌《Sonia Coffee》位於MOKO Mall地鐵站樓層飲食區嗰邊，店舖唔算好大，望落就係一間普通嘅咖啡店，店舖細細，坐唔得好多人，所以座位都比較窄啲。📌下午兩點幾嚟到，好彩仲有一張二人枱仔，之後黎嘅人係出邊都要等位，可想而知《Sonia Coffee》都幾受歡迎喎。📌日系咖啡店主要都係賣休閒風，食啲輕食嘅食物，所以餐牌多數都係提供三文治、意粉同埋幾款甜品，當然唔少得多款沖調咖啡啦。📌麵包類有酸種麵包🥖、吐司🍞、牛角包🥐，甜品有招牌布甸同磅蛋糕🍰。牛油果煙三文魚炒蛋日式牛角包，$78📌熊妹未食晏晝，就是過嚟想同瑪姬皇后一齊食，所以就要點個飽肚啲嘅食物。嘩！冇諗過呢個牛角包係咁大一個，係巨型牛角包🥐。然後餡料好十足，有半個熟透嘅牛油果🥑，非常軟林同好香牛油果味，仲有三四大塊煙三文魚片，鹹鹹地好有煙燻味無渣，一堆熱辣辣滑嘟嘟嘅炒蛋🥚，牛角包熱烘過，咬落去仲好鬆脆，滲出淡淡嘅牛油香味，全部材料都好夾，一次過食落去真係多重口
🛍嘩！幾難得約到瑪姬皇后見過快面，飲杯咖啡食個Tea，熊妹發現「MOKO Mall」最新開咗呢間日系咖啡店《Sonia Coffee》，咁真係要身先士卒，先睹為快啦。
📌《Sonia Coffee》位於MOKO Mall地鐵站樓層飲食區嗰邊，店舖唔算好大，望落就係一間普通嘅咖啡店，店舖細細，坐唔得好多人，所以座位都比較窄啲。📌下午兩點幾嚟到，好彩仲有一張二人枱仔，之後黎嘅人係出邊都要等位，可想而知《Sonia Coffee》都幾受歡迎喎。
📌日系咖啡店主要都係賣休閒風，食啲輕食嘅食物，所以餐牌多數都係提供三文治、意粉同埋幾款甜品，當然唔少得多款沖調咖啡啦。
📌麵包類有酸種麵包🥖、吐司🍞、牛角包🥐，甜品有招牌布甸同磅蛋糕🍰。
牛油果煙三文魚炒蛋日式牛角包
$78
67 views
0 likes
0 comments
📌熊妹未食晏晝，就是過嚟想同瑪姬皇后一齊食，所以就要點個飽肚啲嘅食物。
嘩！冇諗過呢個牛角包係咁大一個，係巨型牛角包🥐。然後餡料好十足，有半個熟透嘅牛油果🥑，非常軟林同好香牛油果味，仲有三四大塊煙三文魚片，鹹鹹地好有煙燻味無渣，一堆熱辣辣滑嘟嘟嘅炒蛋🥚，牛角包熱烘過，咬落去仲好鬆脆，滲出淡淡嘅牛油香味，全部材料都好夾，一次過食落去真係多重口感，非常豐富，一個女仔食呢個包做午餐一定好夠啦。
拌碟都仲有啲黑醋汁沙律菜，成件事都好清新好健康。
忌廉焦糖吉士布丁
$38
43 views
0 likes
0 comments
瑪姬皇后唔係太肚餓，就叫咗個甜品試吓。
用上甜品杯承托住呢個招牌甜品-焦糖布丁🍮，感覺好精緻，果然係日式風格🎎。
布丁充滿超級香濃嘅雲呢拿蛋香味，面頭有少少焦糖汁，唔會過甜，仲提升左布丁雞蛋嘅味道，布丁嘅口感好軟綿，入口溶化，係一件好輕易嘅下午茶小食茶點或者飯後甜品。
Flat white
$36
72 views
0 likes
0 comments
又到熊妹最愛嘅咖啡-Flat white出場啦！日系咖啡店，當然要試吓佢沖調咖啡嘅功架啦💪🏻！
果然係名不虛傳！用上非常簡樸嘅白色咖啡杯☕️，咖啡味同奶味嘅比例相當均勻，咖啡味唔會太搶過牛奶味，奶泡層超夠厚，面頭係典型嘅心形拉花💗，講真嘅，係一杯好出色嘅Flat white。
真係一間喺香港好少有嘅日系咖啡店，連侍應生嘅裝束都係好有日本嘅風味🤵🏻，確實係令人好懷念喺家鄉咖啡店休閒的感覺。
Post
