粗菜館

Open Now

Now Closed

九龍城除咗泰國菜都有好多其他選擇，當日係9月其中一個星期日，三人叫咗5餸同一個豬油撈飯。叫咗薑䓤炒魚腩，山楂醬排骨，北菇扒時菜，鮮魚湯浸時菜和蜆蚧炒雞肉。每個餸平均都係80幾蚊，都算平，不過份量真係細咗啲。個北菇扒時菜啲汁太傑，普通。返而個湯浸時菜雖然望落好清，其實係好夠味，健康之選。山楂醬排骨有好多舊，好食，酸醋甜甜，呢個推介。至於薑蔥炒魚腩正常出準啦，蜆蚧雞肉就伏伏地，味道過鹹同雞件冇肉嘅。呢間餐廳都開咗好多年，記得當年係以蔡潤推介吸引食客，尤其係豬油撈飯，令人懷念小時候⋯⋯下次會再去食其他餸，希望發掘更美味的菜式。