民華魚蛋粉麵

Open Now

Now Closed

其實每間餐廳都會有佢最出名的食物，通常食最出名的，就最少機會出事。呢晚，黎度見到牆上面POSTER有「沙爹牛餐」，雖然見到餐廳入面好似呢個時段無咩人叫呢款野食，我最後都決定叫。結果......「沙爹牛餐」要通粉。上枱時唔算好熱，牛肉份量都算多，不過湯底好咸，沙爹牛味道唔算好鮮明，唔會有一試難忘的感受。整體其實無咩個性可言。個炒蛋......出水......唔可以叫做嫩滑，老實講M記個炒蛋仲好食。片火腿不提也罷。多士有一邊沾左炒蛋流出黎D水，濕左，搞到口感有D怪。不過，個多士的確係值得一讚，真係做到好鬆同脆，成個餐的精粹所在。我會話，針對呢一次呢個餐，真係唔得。