煮你隻蜆 (Moved) New Location

係葵涌廣場愈開愈多間唔同既小食店 呢排新開左間專係食蜆既小食店 聽講之前係要排隊 朋友本身就好中意食蜆 咁就試下啦 店舖位於葵涌廣場地下 今日可能係平日 去到冇人 蜆既味道都有成六款以上 都有幾多選擇下 我同朋友就諗住白酒牛油同原味爆蒜二揀一 好多味道都好吸引 最後揀左原味爆蒜再加粉絲同金菇 店員話要等八分鐘 即叫即整 好快就有了 大大碗 熱辣辣 拎上手隻碗真係好辣手 份量都算足料 大約有十隻蜆 食落鮮甜冇沙 個湯都好鮮甜 有少少辣味 仲有好香既蒜味 粉絲既份量都唔少 整體黎講都唔錯 可以一試