Video
Read full review
2024-07-24
3290 views
雖然我呢排成日都食韓燒，但講到燒烤一定係炭火燒烤最有風味，旺角T.O.P呢間高級韓燒店，採用明火燒，居然燒出黎既肉都有陣陣炭火香，現已成為我和媽媽的愛店！前菜有好多款，泡菜、芽菜、菠菜、薯仔沙律、海帶、蘿蔔等等，大愛這裡的泡菜，酸酸辣辣，非常開胃。燒海鮮拼盤 $588廚師會根據時令日子提供是日海鮮，因為媽媽很喜歡吃海鮮，所以問了店員當日有什麼海鮮後我們就決定來一盤。扇貝好大隻啖啖肉，估唔到鮑魚都好大隻，勁爽彈！貴妃蚌同沙白好鮮甜。有店員弟弟幫手燒，唔怕燒唔夠熟/熟得滯會韌。弟弟燒嘅時候會加上蒜蓉牛油，食落更香口。韓牛西冷 $1080今日嘅重頭戲就係呢塊韓牛西冷！母親大人落order嘅，雖然見到價錢當刻嚇一嚇。上碟見到覺得物有所值！因為油花分佈極之均勻，顏色超級美麗，仲厚切❤️。要知道韓牛無和牛咁重油花，所以一塊咁靚油花既韓牛一定唔會平得去邊。店員弟弟同樣幫忙將西冷燒到5成熟，剪開就見到中間帶粉紅色，仲擺盤擺得好靚。肉質超腍嫩，真係入口即融，點少少香草海鹽食肉味就更加突出！慶州黑毛豬盛盒配生菜 $388豬梅肉用水果醬油醃過，鬆軟香甜。豬五花同豬頸肉燒至微焦再以生菜包住一起吃，食落又香又爽，
雖然我呢排成日都食韓燒，但講到燒烤一定係炭火燒烤最有風味，旺角T.O.P呢間高級韓燒店，採用明火燒，居然燒出黎既肉都有陣陣炭火香，現已成為我和媽媽的愛店！
前菜有好多款，泡菜、芽菜、菠菜、薯仔沙律、海帶、蘿蔔等等，大愛這裡的泡菜，酸酸辣辣，非常開胃。
燒海鮮拼盤 $588
廚師會根據時令日子提供是日海鮮，因為媽媽很喜歡吃海鮮，所以問了店員當日有什麼海鮮後我們就決定來一盤。扇貝好大隻啖啖肉，估唔到鮑魚都好大隻，勁爽彈！貴妃蚌同沙白好鮮甜。有店員弟弟幫手燒，唔怕燒唔夠熟/熟得滯會韌。弟弟燒嘅時候會加上蒜蓉牛油，食落更香口。
韓牛西冷 $1080
今日嘅重頭戲就係呢塊韓牛西冷！母親大人落order嘅，雖然見到價錢當刻嚇一嚇。上碟見到覺得物有所值！因為油花分佈極之均勻，顏色超級美麗，仲厚切❤️。要知道韓牛無和牛咁重油花，所以一塊咁靚油花既韓牛一定唔會平得去邊。店員弟弟同樣幫忙將西冷燒到5成熟，剪開就見到中間帶粉紅色，仲擺盤擺得好靚。肉質超腍嫩，真係入口即融，點少少香草海鹽食肉味就更加突出！
慶州黑毛豬盛盒配生菜 $388
豬梅肉用水果醬油醃過，鬆軟香甜。豬五花同豬頸肉燒至微焦再以生菜包住一起吃，食落又香又爽，豬腸爽彈香口。豬皮好煙韌，食嘅時候沾點黃豆粉吃更有風味。
雪梨水冷麵 $95
食韓燒多數都會搭配一碗水冷麵，冷麵幼滑，湯底帶有雪梨嘅清甜味。食嘅時候我中意加d芥辣一齊食。喺香港食到嘅水拉麵多數我都覺得唔好食，但係呢度既我覺得真係有喺韓國食到嘅水準。
青瓜青擰/西柚乳酸梳打 $42
飲品方面唔想飲酒所以叫咗兩杯唔同口味嘅梳打，青瓜青檸味道清新，無咁甜，岩晒一直話要減肥既我，西柚乳酸味酸酸甜甜媽媽都讚好！
Post
