Video
Read full review
2019-03-22
42 views
3 月中旬既溫度相當飄忽，乍暖還寒，外出用餐又唔想動腦筋諗食咩，最簡單都係去打個邊爐。近近地去左油塘大本營高層的Food Court。自去年完成裝修後，又換左唔少新面孔但係就甚少惠顧。諗起涮涮鍋放題的八幡屋都好多選擇，於是今晚就去左一試。店內用膳人流不算多，不用等位就能馬上入座。呢間涮涮鍋原來有幾類餐種讓客人隨意選擇，由最基本的凈食涮涮鍋或者大胃王中意既日式放題加涮涮鍋亦有。牛肉種類也分3種不同價錢，非常彈性，餐價更不設加一服務費，如此超值咁緊係唔好諗食最上盛既澳洲和牛啦。湯底方面除了鴛鴦湯、蕃茄龍蝦海鮮湯及海膽龍蝦湯需額外升級收費以外，其餘多達5款口味可供選擇又或者叫壽喜燒亦可，說實話真係食幾次都應該唔會厭呢!我地決定好點蕃茄龍蝦海鮮湯底，貪佢唔會燥火之餘，略帶酸甜味道食起上黎又會開胃D。至於鍋中主角既龍蝦先生，若以這樣的價格收費準則去評分，當然不要抱過高期望，撈上黎睇睇真身都俾佢合格啦，以涮涮鍋湯底而言都算係具個性了。用餐空間確實比起旺區其他商戶來得寬敞，儘管首輪我們總愛點滿整檯食物都沒有擠迫之嫌。湯底很快就獲安排上檯，置在電磁爐不需10分鐘已滾沸可以動手開餐，對於限時放題來說高效
近近地去左油塘大本營高層的Food Court。
自去年完成裝修後，又換左唔少新面孔但係就甚少惠顧。諗起涮涮鍋放題的八幡屋都好多選擇，於是今晚就去左一試。
店內用膳人流不算多，不用等位就能馬上入座。呢間涮涮鍋原來有幾類餐種讓客人隨意選擇，由最基本的凈食涮涮鍋或者大胃王中意既日式放題加涮涮鍋亦有。
牛肉種類也分3種不同價錢，非常彈性，餐價更不設加一服務費，如此超值咁緊係唔好諗食最上盛既澳洲和牛啦。
湯底方面除了鴛鴦湯、蕃茄龍蝦海鮮湯及海膽龍蝦湯需額外升級收費以外，其餘多達5款口味可供選擇又或者叫壽喜燒亦可，說實話真係食幾次都應該唔會厭呢!我地決定好點蕃茄龍蝦海鮮湯底，貪佢唔會燥火之餘，略帶酸甜味道食起上黎又會開胃D。
至於鍋中主角既龍蝦先生，若以這樣的價格收費準則去評分，當然不要抱過高期望，撈上黎睇睇真身都俾佢合格啦，以涮涮鍋湯底而言都算係具個性了。
用餐空間確實比起旺區其他商戶來得寬敞，儘管首輪我們總愛點滿整檯食物都沒有擠迫之嫌。
湯底很快就獲安排上檯，置在電磁爐不需10分鐘已滾沸可以動手開餐，對於限時放題來說高效率絕對係先決條件。
開放式既食物冷凍櫃，唔駛特別介紹有齊基本蔬菜丸類或常見既涮涮鍋配料。
其餘既即點即製刺身、壽司、軍艦、日式炸物、燒物、鮮肉類及海鮮配料均可以經自己手機進行，只需幾下簡單步驟便完成下單。
先掃一掃入座紙上的QR CODE，餐廳既menu就會分頁地展示出各類配菜及供應狀況，一目了然、方便快捷，兼具備覆查訂單明細既功能，重點係省卻招喚待應收單既等候時間，上菜追加食物既時間自然縮短，變相多了點實際用餐時間，值得一讚。
既然賣點係標榜日式放題既涮涮鍋，刺身壽司軍艦項選擇自然不會過於單調，當中有較少見既小肌魚壽司、海膽軍艦、多種配搭黑松露既壽司及火灸壽司系列，一時間真係難以逐一試畢。
講到海鮮類別則有我最鍾意食既東風螺、迷你象拔蚌仔、迷你蟶子仔，其他常見既蜆、海蝦、墨魚滑、帆立貝、生蠔及花膠都有提供，質量新鮮。
總括而言，性價比高選擇種類多，尤其係壽司、軍艦同海鮮項追加一兩回經已物超所值。
Post
