Read full review
2016-04-23
527 views
朋友介紹左我黎大藏,因為佢話上次嚟到呢度食廚師發板omakase,覺得大廚係一個非常風趣幽默又經驗豐富嘅師傅。佢同其他omakase 師傅唔同嘅地方,係會不停同客人互動,又會同客飲返兩杯,氣氛非常愉快。最特別嘅地方,就係其他嘅廚師發板只有廚師決定菜式,食客跟住照單全收,呢度既師傅就非常之注重互動,首先佢會問你鍾意食乜嘢,然後按着你喜歡嘅口味,調節料理嘅內容。而且佢又非常之彈性,只要你話唔係咁夠喉,佢都會私底下加碼醒你兩舊,總之朋友講到呢度既氣氛相當愉快,食材又新鮮,就係呢一個原因,我今晚都黎見識下。一入到門口,大藏充滿日式嘅佈置就令人心情愉快。直接行到吧頭,師傅已經開心地同我地打招呼,之後大廚果然即刻問我地有咩係唔識嘅,又有咩係特別鍾意食既,我我即刻老實不客氣咁同佢講,我鍾意食拖羅、海膽,而且特別鍾意食貝殼類同大蝦類嘅刺身!期待師傅可以俾我驚喜。師傅聽到後笑笑口咁應承我,話將會將最新鮮嘅食材俾我慢慢嘆。其實我好奇甘問師傅,係我哋隨便講咩佢都有備貨?點解可以有咁多種類食料?師傅就同我地講佢以前係築地做過野,所以同嗰邊的關係好好,佢每日都係築地新鮮直接入貨,雪櫃陳列既都係即日新鮮海亇,加上
佢同其他omakase 師傅唔同嘅地方,係會不停同客人互動,又會同客飲返兩杯,氣氛非常愉快。
最特別嘅地方,就係其他嘅廚師發板只有廚師決定菜式,食客跟住照單全收,呢度既師傅就非常之注重互動,首先佢會問你鍾意食乜嘢,然後按着你喜歡嘅口味,調節料理嘅內容。而且佢又非常之彈性,只要你話唔係咁夠喉,佢都會私底下加碼醒你兩舊,總之朋友講到呢度既氣氛相當愉快,食材又新鮮,就係呢一個原因,我今晚都黎見識下。
一入到門口,大藏充滿日式嘅佈置就令人心情愉快。直接行到吧頭,師傅已經開心地同我地打招呼,之後大廚果然即刻問我地有咩係唔識嘅,又有咩係特別鍾意食既,我我即刻老實不客氣咁同佢講,我鍾意食拖羅、海膽,而且特別鍾意食貝殼類同大蝦類嘅刺身!期待師傅可以俾我驚喜。
師傅聽到後笑笑口咁應承我,話將會將最新鮮嘅食材俾我慢慢嘆。其實我好奇甘問師傅,係我哋隨便講咩佢都有備貨?點解可以有咁多種類食料?師傅就同我地講佢以前係築地做過野,所以同嗰邊的關係好好,佢每日都係築地新鮮直接入貨,雪櫃陳列既都係即日新鮮海亇,加上呢度客人多,為保最新鮮狀態,佢備幾多貨都幾乎日日清,所以盡量以我地中意既口味度身定做omakase , 真係聽到都感動!
首先我哋二話不說先黎啤酒先,跟住就叫師傅推介我哋一支靚嘅日本酒,有靚嘅食材當然要返咁上下質素嘅日本酒先至可以大快人心。
由於我一開始已經同師傅講咗我鍾意食貝殼類蝦類中拖羅同海膽,師父果然將最好嘅同我分享。
首先我想講既係螢光魷魚。螢光魷魚係前菜已經出現過,用醋味味噌做汁。原來咩都唔加,刺身直接食既風味係刺身之最高享受!
鮮甜無比既魷魚肉,滑溜溜既魚身,濃郁既魷魚膏都驚喜無比!
原條現場即燒明太子、櫻花蝦炸物、同蓮藕仙貝。
講到貝殼食物,今次真係食到原隻嘅北海道北寄貝了!以前食親都係已經熟咗嘅紅耳北寄貝,香港要食到新鮮北寄貝刺身並唔容易,今次師傅係雪櫃攞左一個手掌咁大既北寄貝既即切即食,好有築地嘅感覺!
賴尿蝦嘅海水味比較重,鮮味出色
講開壽司,呢個千層馬糞海膽來自北海道。
層層疊疊嘅馬糞海膽,滋味無窮,真係無得輸!
金目鯛
大大嘅眼睛閃閃發亮,魚皮呈現橙紅色好有光澤。一睇就知非常新鮮。
魚肉呈現可愛嘅粉紅色,肉質柔軟優雅。真係唔捨得食左佢。
天然鯛賣既係魚脂豐富既魚身,肉爽,奧米加成份多,加上一束櫻花,浪漫多情。希望你地下次黎仲有得試啦!
加左姜葱同魚味相扶相乘。
成晚接近四小時嘅師傅發板係,一片歡樂聲同碰杯聲之中,愉快渡過。
原來食師傅發板,唔一定要坐定定,好嚴肅咁品嚐。可以同師傅互動下、暢飲下、認識身邊既新朋友,都係一樂事也!
唔怪得我朋友黎過大藏,成日同我講佢會掛住呢度嘅美食同氣氛,我相信下一次我可以同佢一齊再黎了!
Post