Video
Read full review
2010-09-27
64 views
陪朋友嚟試食呢間openrice 咁多位人兄讚好既餐廳~! 點知出晒事~!!雖然舖面裝修同環境都好麻麻...但無所謂啦..最緊要d 野好食啫~! 7:10pm: 攞飛, 見要等成20幾個no#.. 索性去行下街再番嚟! 8:20pm: 回來問亞姐到我地未.. 點知阿姐超緊張..好驚咁答非所問 <今日好多客等喎!!!.........> .. 佢講左去邊呢 ?? 再問多次..佢先話..下張枱比我地! 等位期間...亞姐已開始四圍同客講...炸白飯魚賣晒啦!! ..嘩...好早咋喎!??!8:40pm: 終於有枱.! 坐低叫野...叫左3..4次...先有伙記得閒落單!! .等食時間好漫長..見好多人都係係度等...仲未有得食~!! 心知不妙..!! 留意到有2個人(比我地早到)...佢地等食之際...傳菜亞姐攞住碟餸& 叫左個枱號!! 見佢地大聲回應..但阿姐聽唔到..求其將佢個餸比左另一枱!! 佢地超無奈!!到第2次...亞姐又攞佢地D 餸出嚟.. 佢地趁阿姐一行出嚟..即刻超大聲叫住..先避免左案件重演!!...9:15pm: 我地要既<炸墨魚丸>
雖然舖面裝修同環境都好麻麻...但無所謂啦..最緊要d 野好食啫~!
7:10pm: 攞飛, 見要等成20幾個no#.. 索性去行下街再番嚟!
8:20pm: 回來問亞姐到我地未.. 點知阿姐超緊張..好驚咁答非所問 <今日好多客等喎!!!.........> .. 佢講左去邊呢 ?? 再問多次..佢先話..下張枱比我地! 等位期間...亞姐已開始四圍同客講...炸白飯魚賣晒啦!! ..嘩...好早咋喎!??!
8:40pm: 終於有枱.! 坐低叫野...叫左3..4次...先有伙記得閒落單!! .
等食時間好漫長..見好多人都係係度等...仲未有得食~!! 心知不妙..!!
留意到有2個人(比我地早到)...佢地等食之際...傳菜亞姐攞住碟餸& 叫左個枱號!! 見佢地大聲回應..但阿姐聽唔到..求其將佢個餸比左另一枱!! 佢地超無奈!!
到第2次...亞姐又攞佢地D 餸出嚟.. 佢地趁阿姐一行出嚟..即刻超大聲叫住..先避免左案件重演!!...
9:15pm: 我地要既<炸墨魚丸>上枱啦 ....賣相唔錯! 但..點解完全唔彈牙既!! 仲鬼咁實添喎~ ! 麵檔個D 墨魚丸都爽口過佢喎!!??!
9:25pm: 我聽到阿姐叫我個枱號.. . 我大聲回應!! .但阿姐完全無望過嚟...仲要將我地碟<炸雞軟骨> 比左另一枱..!! 又係咁!? 唔通阿姐對耳有毛病!??
隔左一陣.. D 伙記話無晒粥啦!! 0下 !?? 我地等左成個鐘啦喎!!??
於是我地主動向伙記求証...先知我地個份仲有..!! ....又再等....!!
9:40pm: 傳菜亞姐一邊捧住我地期待左好耐個煲<蟹粥>出場~~ 一邊叫住我地個枱號!!
今次我再大聲d 應佢+ 舉埋手!! 佢又係無望過嚟喎!! 跟住好順手咁..將煲粥放係頭先食錯左我地碟 <雞軟骨> 個張枱度囉!
唉~~ 我唔想再等了!! 過左去同阿姐講...初時佢呆左..兼仲係個張枱打開個煲蓋添!! .跟住我又再講...佢先如夢初醒咁....同我講唔好意思~!! 同即刻補炸個<雞軟骨>比我地..~!!
食物味道總評:
1) <炸墨魚丸> 約26蚊: 好實, 可以唔洗叫啦!
2) <雞軟骨> 約28蚊: 係即炸既, 好爽+ 香口, 好味道~!
3) 重頭戲<膏蟹粥>: 個粥色水幾靚(金黃色)..但無膏蟹味!! 粥底好稀 超多水+ 無味!! 但蟹肉尚算鮮甜!!
食物價錢合理, 甚至算平(尤其小食都係 30蚊有找..!!)
但我地食得3樣野...都要攪左3個幾鐘頭!! 完全係運作方面好有問題!! 200% 應該改善!!
而且食物質素好普通...唔見得要推介同唔需要再翻叮~!!
Post