Dacha Restaurant & Bar (Closed)

我同老公實在太掛住俄羅斯既食物，所以特登搵下除左我地食開個間東歐餐廳，想試下新野，雖然知道呢間老闆兩姊妹係烏克蘭人，餐牌內菜式選擇唔算特別多，但食味既味道同裝修完全勾起我地係俄羅斯食既回憶。首先有黑麥麵包，飲品老公飲啤酒，我嗌左homemade lemonade，之後嗌左一個鯡魚紅菜頭鵪鶉蛋沙律，食落好清新。梗係唔少得叫埋羅宋湯啦，我冇另加肉，所以感覺相對冇咁濃郁，不過味道係好既。主菜我地嗌左beef stroganoff 同 Chicken Kiev，呢道個beef stroganoff係寬意粉底，味道一般，我地係第間食過係薯蓉底既就好似match D同牛肉林D，所以我下次唔會再嗌呢個， 但至於個Chicken Kiev就相當出色。最後甜品嗌左個煎芝士班戟，我地係俄羅斯食過間好出名既，相比之下係有分別，不過都唔錯。最後千二蚊埋單，以中環地區同食物質素，價錢尚算合理。