保家山 (Closed)

觀塘駱駝漆大廈入面有好多臥虎藏龍嘅餐廳，保家山絕對係其中一間，餐廳主打充滿香港特色嘅漢堡包。一入門口就見到一個類似搶包山既burger山擺設，正正呼應返餐廳嘅名字。原來餐廳名字係受到長洲搶包山嘅啟發，創辦人小時候好鍾意食漢堡包，但當時只有一至兩間大型漢堡店，所以創辦人想創造一個屬於香港人獨有嘅漢堡包🙇🏻‍♂️裝潢方面主要以水泥牆配搭木系傢俬，環境寬敞。- 牛油果蟹肉意粉一個套餐有齊意粉、餐湯同沙律。意粉份量好多，味道好creamy，間唔中食到少少山葵嘅味道，帶點刺激🤩。餐湯係蘑菇湯，質感比較稀身，至於沙律就係生菜加蕃茄。- 葵手工和牛漢堡餐廳用咗山葵醬配搭和牛漢堡扒，創意十足之外仲好好味。和牛漢堡扒厚身幾juicy，山葵醬味道唔會話好辣，可以中和返和牛既膩。入面仲有其他配料，包括洋蔥蕃茄同生菜，非常豐富。- 麻辣薯條平時食餐薯條都係原味或者芝士，今次保家山既麻辣薯條真係有驚喜，薯條上面灑上四川麻辣香鍋料，麻香十足，而且薯條炸得好香脆，更加惹味😋最令我深刻嘅食物係漢堡包同麻辣薯條，真係好有香港特色，價錢都唔貴，保家山喺香港漢堡界絕對佔一席位🥳