夏麵館 (寶石大廈) (Closed)

夏麵館記得以前響荃灣廣場開過, 以前間中都會食下, 覺得抵食又唔錯. 不過商場大裝修, 餐廳都難免要結業.有日行過寶石樓, 竟然見響呢度開番, 即刻入去開餐.要左個擔擔麵, 湯底好香花生味, 辣味濃不過易入口. 拉麵幾煙韌彈牙, 唔會太淋, 保持水準.蟹粉小籠包, 皮薄餡料多, 隻隻都漲卜卜. 皮夠滑, 餡料蟹粉味都夠香, 肉亦夠嫩, 亦唔會太肥. 椒鹽豬排骨, 外面炸得幾香口, 唔算太油膩, 同蒜蓉,蔥炒埋一齊更惹味, 豬排有咬口, 份量亦適合.一路食都幾多上年紀既街坊幫趁, 同舊鋪一樣保持水準.