萬豚屋

Open Now

Now Closed

同事話好耐冇黎過萬豚屋食烏冬，於是我地2點黎到，等左10分鐘到就有位喇。我例牌都會叫吉列豬扒烏冬野菌湯底 等左一陣就上枱喇！見到D湯有水滾既泡泡，個鍋燒到勁熱，大家要小心D唔好掂到啊。個湯超正，超級香野菌味，我通常食法都係一啖烏冬一啖湯，每口都充滿住濃郁既野菌味，我次次食都係差唔多飲晒D湯咁濟而吉列豬扒非常脆，粉漿亦好薄，沾上沙律醬更滋味。大致上唔錯，唯一有不滿既就係，店內用既香薰味道不太討好…一入店已經聞到好大陣味，如果改善下，會食得舒服好多。