萬發海鮮菜館

Open Now

Now Closed

一大班朋友去得深水埗食飯，一問話去邊度食，萬發都總係入選三甲之內，究竟係真係好好味啊？定係因為無得簡所以先食佢呢？而我同我啲朋友當日又跌入依個深水埗食乜嘢嘅死亡輪迴。而今次就係萬發當選了。舖面都係一般大排檔咁嘅樣，當然佢係大排檔黎，所以啲服務都唔會有咩特別大的期望，可能佢地有幾個舖位但人手都較少，我地等落單都要10幾分鍾先有人黎到。而比其他大排檔優勝嘅，我覺得就係冷氣好足，就算場內好多人都唔覺得熱。當日都係叫返啲大路嘅，尚算不錯，起碼唔會難食。對我而言，如果約食人多，又想坐耐啲傾下計，萬發的確不錯，但對食物質素有要求，就搵過另一間吧。