季季紅風味酒家 (Closed)

一班好姊妹新年團拜本來想食海鮮食豪啲，突然收消息其中一個姊妹有喜，甘當然要遷就佢改食第二樣兼要就腳，於是臨時改去季季紅食豬，以前食過兩次藍地總店對佢隻米乳豬印象難忘，見灣仔呢間啲comment麻麻地其實都有啲驚，不過大家都好想再試就博一舖啦！9個女仔都吾多大食，叫一隻豬其實已經飽，所以豬以外其實吾係叫左好多餸。乳豬吾係好脆，無藍地果次甘好食，不過入面炒飯無藍地甘咸，對女仔黎講比較易入口。豬肺湯我不嬲吾鍾意，所以吾識comment, 同枱姊妹話好味。魚腐好食我鍾意，個蝦就無乜特別。甜品叫左個吾記得咩蒸糕，有啲似年糕幾好味，其中一個姊妹話想食紅豆沙，部長仲送左幾碗。見到好多comment話服務差，我又想講兩句。我留意到呢間店有一個奇怪地方就係全店職員年紀都有番甘上下，一個後生仔女都見吾到，仲要好多職員都有口音（新移民？）。不過就算係甘，我吾覺服務特別差，大部分職員都好nice。米乳豬切開前會先上枱俾我地影相打卡，仲等我地影夠先拎走。部長送紅豆沙之餘仲揸機幫我地影大合照。但係有一位嬸嬸就真係吾多掂，全晚黑口黑面之餘，聽到部長話送紅豆沙仲要搭爹話我地吾係叫套餐無得送喎，我地諗：吾通呢個其實係老