季季紅風味酒家 (Closed)

今日去左灣仔附近聽書，中午同班同學仔一齊去飲茶，落到嚟就見到季季紅，我地都吾太熟附近所以就冇諗就入去食。入面好大，有兩層，我地多人，所以開左房俾我地食，又有電視，不過服務一般，好似俾人ignore咁，搵人點單都搵好耐，冇辦法啦，中午上班仔多人嚟食係忙d。我地嗌左牛肉腸粉同叉燒腸粉都好滑又好大條，另外食左薄餐，幾香口幾脆，喜歡佢葱都落得幾多，好味道。叉燒包都好大個，差吾多吾夠位放，熱得嚟又多料，吾錯。粉果有少少皮太厚了，吾係太喜歡，不過不失，不過整體都ok嘅。如果服務好多少少就好了。

過年前, 唔知同屋企人食咩髭好, 突然諗起有米豬, 之前聽就聽得多,食就未試過, 好啦咁就去灣仔間季季紅訂返隻豬年三十晚食團年飯!其實都唔平,買豬卷要買兩張先有得平,但都要6百幾一隻, 一心諗住試下無咩所謂啦!!當日去到下午5點左右拎豬已經好多人等緊, 拎到隻豬都要成20幾30分鐘,!返到去一開, 外父第一個反應,話成隻貓仔咁, 都唔緊要啦, 唔係咁多人OK啦!真係好似有D瘦同細隻...跟住我就剪開佢啦, 佢地有送一把剪刀, 剪完之後發覺瀨野, 原來個肚有D線綁住, 俾我剪碎左要慢慢挑返D線出來,點解拎豬時唔提下人呢?好喇剪完之後, 一心期待有幾咁好味, 但食落真係無咩特別, D皮唔係脆而係硬, D飯又凍又油, (我又拎豬到返屋企只係20分鐘時間), 坦白講D飯似燒完隻豬就咁塞入去!!食左半隻都無大家都唔食了, D皮實在太硬!相信應該都唔會再食, 但仲有一張豬卷都唔知點算...

第二次吃季季红的有米豬，第一次是在其他分店外賣到家吃，乳豬經過運送，再等齊人吃的時候已經過晒火氣，飯凍皮也不脆了，一D都唔覺得有咩咁好食，今次堂食真是完全兩回事!午飯前先訂位同有米豬，去到一攞位坐低已經即刻送左隻豬上嚟，但重未齊人.... 過左廿分鐘，终於可以叫佢切豬，可以食了，果然酥皮香脆可口，好彩重有餘温，沾滿香豬油汁美味的炒飯，混集蝦米同芋頭粒，好味道!  隻豬仔唔算好多肥膏，每人分兩舊都唔係好夠喉，不過少食多滋味，下次都會再叫，但最好有十個八個人一齊食，否則食多怕膩，食唔晒番煑又唔好味。其他㸃心小菜不過不失，據說全靠呢隻有米豬，做到呢間食肆上埋市，真是好嘢!!美中不足是似乎呢度人手嚴重不足，D伙計自己都做到好燥，食客没有得到基本招呼之餘重要受下氣，希望D老闆賺到錢都要顧下服務先得。

年近年三十， 又是忙於買年貨， 準備團年飯的時候， 要極度體力勞動， 咁當然食飽才有力氣搬野啦！長老就帶左我去灣仔的季季紅酒樓， 真的是‘紅’，這不論裝飾、茶具、掛畫， 全都以紅色為主我地點左潮州粉果、鮮竹鯪魚球、家鄉煎魚餅、鳳爪排骨飯、上湯鮮竹卷、南乳蒸豬手同臘味滑雞飯潮州粉果：皮煙韌、沙葛多， 有蝦米鮮竹鯪魚球： 失敗， 魚肉散哂， 不過底部用腐竹墊底家鄉煎魚餅、鳳爪排骨飯：一般上湯鮮竹卷：雜菜（有西芹、紅蘿蔔絲）同豬肉份量平均， 不過調的味道較怪南乳蒸豬手： 豬手好硬， 唔覺有南乳味臘味滑雞飯：有膶腸， 飯粒油硬適中， 不過雞肉很碎茶完全無味， 不過5蚊茶錢， 想點啦！不過份量夠，食飽飽啦！要去做苦力啦！

今日中午同家人由灣仔峽行山，在灣仔回程時打算去附近的酒樓飲茶。 到了灣仔道季季紅拿位，門口無人等位知客叫我直接上二樓就可。 去到二樓無人招呼，等左一陣男部長带我到房間302號台坐下但無為我開茶。 再等了一會一位態度極差的女部長入來聲大大責罵我無拿票直接上來，強行要把我坐的位置讓出。 仲要強行要求我再落回地面去拿飛， 問題是他們酒樓欠缺內部及知客的溝通仲要惡人。 最氣憤是要把張枱讓及熟客， 受了一肚的氣最後轉了別家酒樓，以後也不會幫襯此酒樓。

人一世食一世，約定幾位老友記，大家都是喜歡美食的為食友，又喜歡肉食獸的老友記必去季季紅風味酒家吃餐勁的(有米豬)即是蝦禾米乳香豬！由同事介紹到此店一嚐:有米豬，入口鬆脆，肉汁豐當，香濃清爽味美，再喝些酒就更香氣迷人，真是真材實料，名不虛傳，熟焗燒功均稱，其蝦禾米獨味清溜，口感突出，滿滿充滿舌頭，濃郁喉嚨，物有所值，大家三言兩語，談笑風趣，笑看時弊，思想各自表述，獨特新穎，開懷飲大吃大喝，人生飽滿，真是對酒當歌，唯有杜康，一生樂味，夫復何求！蝦禾米乳香豬真是肉香味濃，鬆化香脆，每粒蝦禾米都順滑軟糯而味道鮮甜，吃得舒暢，入口飽滿超美，非常獨特口感，難怪是鎮店之寶，頂好味道，是要提早落單，才可以品嚐此香豬！真是名不虛傳，不妨一試，必食之選！清蒸大海班當然是必選的菜式，無魚不成宴，其海魚味爽肉滑溜，大啖大啖品嚐，其秘制魚醬汁其美其鮮，又傾又吃，好像感覺特別開心，獨樂樂，不如眾樂樂，有一種賞心樂事的風味感！大澳炸蝦醬蓮藕餅看來都飽滿非常，鮮蝦炸得脆化可口很香濃，配合蓮藕餅的濃郁味厚，加上調味蝦醬，感肉邪香味，喝杯紅酒特別暢快，直感非常有特色熱呼呼的香脆美食！

想試有米豬好耐，今次終於同朋友試到。要食有米豬要提前BOOK。主角有米豬上台，造型幾靚，大家都爭住試食。講隻豬先，有D硬，唔似出面D燒豬咁脆，有D重見到明顯燒濃咗。有入D炒飯，夠乾身，但唔夠金黃色。諗住D米吸收咗豬嘅精華應該好好食，但食落又唔覺。味道普通，名過於實。

又到一年一度的中秋節，公司下午放假，於是同同事一齊去飲茶，叫左一檯野食，開心share，係同朋友傾計食野既好去處! 呢度最正既係佢燒豬肉，皮脆肉香! 另外家鄉煎薄罉也很不錯，有嚼勁又有香蔥味但不油膩! 馬來西亞炒河粉也整得香而不辣。另外，叉燒腸粉亦非常滑。叫左十樣野食，三百蚊都吾使! 石爐燒肉 9/10 家鄉煎薄罉 9/10 馬來西亞炒河粉 8/10 叉燒腸粉 9/10 黑椒牛仔骨 8/10 北菇棉花雞 7/10 南乳豬手 5/10 杞子桂花糕 7/10 古法馬拉糕 8/10

今天突然興緻想飮茶，季季紅好多間分店，今天第一次試灣仔這間，真是非常失望😤👎🏻我不介意搭枱，但通常搭枱，其他酒樓都會換半張枱布，難道公司慳成咁😳枱面有張下午茶紙，其實我想吃那些，下午茶紙不見有，跟住我就問侍應拿張點心紙，那個侍應話枱面有張下午茶紙😤，跟住我話想吃蝦餃，下午茶紙無，她聽完至去拿給我！點了六籠點心，最好味是古法馬拉糕😍，其他都是一般😤有個桂花煎餅太油，裡面是紅豆，食不出桂花味！題外話：我覺得去一間餐廳，主要是食物，跟住就是環境，服務....這間全部做不到👎🏻

季季紅以糯米醸乳豬有水準出名, 我曾到其元朗店吃有米豬的套餐, 又買了兩張乳豬卷在家開 party時招呼朋友之用, 對此酒家的出品也很讚賞.  今天經過灣仔, 突然想不如試試其灣仔店午餐吧!酒家位於街市附近, 泊車只可在路邊希望不抄牌, 裝飾真是以 "紅"為主, 很搶眼.  食肆設於二樓, 內分區有高低座位頗特別.座位很多, 空間闊落, 我們看看餐牌便點了:點心拼盤:  有蝦餃皇, 燒賣, 潮州粉果, 及紅棗糕各兩件, 蒸籠 上檯夠熱, 不錯.潮州粉果, 內餡 OK, 但外面粉皮太厚, 難入口, 真不及格蝦餃皇也有點失望, 因為蝦肉不多而粉皮也厚, 燒賣品質一般紅棗糕少甜, 口感柔軟. OK.煎魚餅, 魚味不足, 煎得有些硬  皮旦瘦肉粥, 夠大碗, 足料, 但粥底不算綿, 也沒有伴粥的油器, 薄脆, 蔥花, 略為單調鹹肉稯, 米也不夠綿, 內只有豬肉, 沒有旦黃, 而口感太硬. 整體來說, 點心手藝未到水準, 侍應服務也欠理想, 而去洗手間的走廊也欠裝修, 有些失望.要改善

係中環金鐘灣仔番工既朋友都知中午要搵食真係排隊排到七彩，唔係就貴到傻，食餐晏姐，洗唔洗等咁耐啊😭😭上星期三請同事食飯，一行十四人要係灣仔搵酒樓開餐唔係執得執就執就係好鬼死遠，聽朋友講元朗季季紅既禾米豬出名，所以就揀左黎灣仔呢間分店到食，我地叫左一隻禾米豬，$660又唔算好貴，十四人分一人都有兩件分到，豬就即燒既，熱騰騰的，肚入面既飯都好多雖然有點油，但都幾好味，豬頭同豬腳仔就打包番去煲粥，叫到成枱點心，埋單都係千一蚊左右，十四個人人頭都唔洗一百蚊有禾米豬食，都幾熱鬧開心既，請同事食飯一大班人不防黎呢度！

If you wish for abundance food, personalised 1-persons Hotpot, and Golden Roasted Pork (有米豬 & 火鍋) at traditional Yum Cha Restaurant, 季季紅風味酒家 Red Seasons Restaurant is the choice to go!This night, our whole commercial & investment team choose this restaurant as the celebration hotpot dinner after a high-note achievements for Q1. 22 of us reserved a room at Red Seasons. The night at 7:30pm, there are not a lot of people eating for dinner but we left a room for our company's celebration by a referr

舊年與同事夾份用優惠價購買了有米豬乳豬卷，有一年時間換取，平常單買要六百多元一隻，而家只須約四百五。所以平常睇報紙見推優惠時，買定就著數好多，可以大吃會、公司慶祝或許是拜山都用得上。由於張卷三月尾到期，星期三訂星期四放工取，酒樓職員星期四早上來電提醒去取🐷，去到取時仲細心提醒有單張教點拆吃只豬，返到屋企仲熱騰騰。有米豬內當然有米啦，d炒飯有些小蝦米仔炒得乾爽都幾香，但有d硬身。而乳豬皮非常脆，yummy yummy配紅酒一流。

今晚提早做冬，怎知電話訂枱時，灣仔近軒尼詩道幾間酒家都說枱一早訂滿了，十分誇張。最後揀了位置比較偏僻的灣仔道頭季季紅風味酒家，電話即時訂到枱了。晚上6時半到達酒樓，人客不多。坐下叫了個$398套餐和竹枝黑草羊腩煲($108)。套餐有乳豬1/4隻和任選小菜三款。小菜選了香煎蓮藕餅、四季荳炒咸肉和冰淋醬烤骨。乳豬肉嫩皮脆，味道不錯。香煎蓮藕餅煎得恰到好處，入口鬆化。四季荳配上咸肉醬汁，炒得十分惹味。冰淋醬烤骨的肉排夠大塊，肉厚多汁，但稍嫌醬汁味濃了一點。至於竹枝黑草羊腩煲，奉送唐生菜，羊腩和配料都份量十足，羊腩肉冧味鮮，配料如冬菇、馬蒂和腐竹都煮得入味，另加嚮鈴($18)，再配以腐乳醬，十分好味，真是御寒極品。此店食品水準不錯，屬經濟抵食之選，值得光顧。

昨晚髮型師Harry到灣仔店小季子火鍋，感覺ok，評語如下：好：1⃣️牛及蠔出色，平的牛反而更好食2⃣️湯底好，肉骨茶和鴨湯底兩個都好3⃣️菜好食4⃣️象拔蚝肉鮮甜及新鮮5⃣️蝦滑及墨魚滑彈牙6⃣️醬味道好7️⃣啲侍應姐姐好好人😊不好：1⃣️雞肉不適易打邊爐，因為時間難掌握，怕不夠熟