Video
Read full review
2008-12-24
59 views
同個客去食完tea, 6點鐘佢哋就帶左我哋黎呢到食飯... 佢開頭話係半島食法國菜. 我以為好似其他酒店咁係一二樓嗰d餐廳. 估唔到係有專用lift搭上去. 一轉入餐廳.... 即刻比佢既裝修吸引住. 真係好靚呀. 佢分左上下兩層, 上層係比人飲野, 下層就係fine dining area. 一望就係高級地方, 連講野大聲d都驚得會失禮呀.個客話佢上次已經黎過, 所以讓左個對維港既位比我坐.... 雖然話係海旁食麥當奴都可以將維港美景盡收眼底. 不過呢到係居高臨下咁, 個view真係超級無敵. 一坐底即刻開左支紅酒先~~~ 紅酒我唔係咁識, 而且唔係餐廳既野就唔講喇. 落order既時候我發覺佢好似無咩得揀. 典型既外國餐廳餐牌. 睇完成個餐牌之後我都係比佢個甜品吸引住. 所以雖然其他人都點左3個dishes, 我都係堅持我只需要個main course就得. 反正佢送嗰d麵包好好味呀~~~ 正宗既法國麵包, 有軟有硬..... 我諗我淨係食麵包都唔知食左幾多呀!! 我雖然無order到salad同埋前菜. 不過爸爸都 "夾硬" 比左一兩啖我食. 沙律確實係好新鮮~~~ 我既主菜or
個客話佢上次已經黎過, 所以讓左個對維港既位比我坐.... 雖然話係海旁食麥當奴都可以將維港美景盡收眼底. 不過呢到係居高臨下咁, 個view真係超級無敵.
一坐底即刻開左支紅酒先~~~ 紅酒我唔係咁識, 而且唔係餐廳既野就唔講喇. 落order既時候我發覺佢好似無咩得揀. 典型既外國餐廳餐牌. 睇完成個餐牌之後我都係比佢個甜品吸引住. 所以雖然其他人都點左3個dishes, 我都係堅持我只需要個main course就得. 反正佢送嗰d麵包好好味呀~~~ 正宗既法國麵包, 有軟有硬..... 我諗我淨係食麵包都唔知食左幾多呀!!
我雖然無order到salad同埋前菜. 不過爸爸都 "夾硬" 比左一兩啖我食. 沙律確實係好新鮮~~~ 我既主菜order左銀雪魚. 好好味呀. 又唔會太油, 又香口. 好滑呀~~~
食完主菜, 終於都黎到dessert時間喇!! 係咁多個甜品入面揀左好耐都係揀番我最愛又最普通既blueberry cheese cake. 呢件暫時係我咁大個女食過最貴既cheese cake, 不過係食得出佢同出面十幾蚊一件真係有分別. 但係同出面幾十蚊一件又差唔多.
整體黎講所有野好正宗, 包括食物同份量. 不過係街外用一個平好多既價錢都可以食到一樣野. 真係黎食個環境囉~~ 尤其係我餐後去完個洗手間之後.... 個washroom既裝修超級靚. 最緊要佢有一面係落地玻璃, 外面就係維多利亞港. 對住個維多利亞港補妝既時間雖然只有短短既幾分鐘但係嗰種感覺勝過我坐係廳餐望住個景食左成晚飯.... 過左幾個星期之後既今日我都仲記得.... 真係好正呀~~~ 雖然唔駛我埋單, 不過淨係睇餐牌, 仲要加支酒我諗呢餐都唔慌平... 咁嘆既野. 一世人試一次就夠!
Post