鴻運泰國美食 (Closed)

約咗D friend落老蘭happy 早咗放工又冇乜”訂”去 叫咗個同行友先飲返兩杯warm up 下 不過今日個lunch都重未食 用都要先祭祭個五臟廟先 費事晏D係班friend面前失準就無謂 三條”冷”係附近㨂咗食泰國嘢 叫咗一打豬 牛 雞沙爹串 豬肉串味道夠曬 肉質嫩滑wor 而雞肉串好正 肉嫩多汁 好juice 夠嫩口 最難得係牛肉串 咬落唔靭夠冧 而且肉質鬆化 而個沙爹醬汁亦都唔差 有磨得極幼細嘅花生 令到醬汁更加香口惹味自己另外叫多個冬蔭功湯 材料十足 味道非一貫的冬蔭湯 整體口感比較厚身同實在 估計餐廳在烹調高湯環節上下過功夫 令到除了慣常的酸辣味道外 還多了一份濃郁嘅鮮味 個湯正呀