Miss Saigon Vietnamese Cuisine (Closed)

其實西環真係多咗好多新餐廳，例如呢間，見佢裝修又幾靚，又好肚餓，餐牌都未睇就衝入去食喇西貢小姐火車頭湯河 ($108)好大碗，亦非常足料；湯底似中式嘅腩汁多啲，咁得意嘅，好在佢冇中式嗰啲咁鹹；牛筋煙韌又新鮮、手打牛丸啖啖牛肉香，比起嗰啲來貨牛丸真係天壤之別、牛腩非常軟棉，盡情咬都唔怕黐牙、牛肉片肥瘦分明好好味，不過好似唔見咗牛柏葉嘅？係咪太夜嚟食冇晒呢？食完成碗之後飽肚到差啲行唔郁順化番茄牛尾湯河 ($88)呢個湯底比較油膩，而且冇乜番茄味，如果換轉頭先個湯底就會好好多喇；有大概6-7舊牛尾，超抵食！媽咪一路食一路問，呢碗要百幾蚊呀嘛？我話唔係呀$88咋，咁佢就覺得真係好抵食呀，$8有咁多舊牛尾真係好難得！不過啲牛味可以再煮耐啲，咁就會更易食啦，而家始終有少少韌，但以份量嚟計，絕對係贏晒嘅！清炒椰菜苗 ($78)椰菜苗食落有啲似sprouts，韌韌哋有口感，而且唔係炒得好油，好味！同店員傾開先知原來佢哋午市嘅份量回細啲，但夜晚就會大份啲；環境又舒適，不過我哋坐嗰個位不幸地係冇冷氣，真係一路食一路滴汗，要小心揀位！但整體嚟講係大件夾抵食嘅！