居食屋「和民」 (Closed)

打工仔日日諗食咩lunch其實都諗到爆，落雨就唔想行出去就直接搭輕鐵同西鐵出去食，勝在唔使淋雨。因為同事想食日本野，咁就用個app諗住攞定飛仔啦。來來去去都個幾間架啦，銀次👈🏻因為裝部機停用、牛角👈🏻攞咗飛等如冇攞飛嘅、和民👈🏻竟然機都壞埋冇得攞定😱心諗唔係又遲呀嘛，點知去到可以個網上排隊壞左仲少人等👍🏻好快有位，仲見到轉左新menu，另外兩個同事一點冒險精神都冇嘅🙄，無諗住試新野，又係叫黑椒牛肉石鍋飯同滑蛋豬扒飯定食，咁我就試咗新嗰個青柑桔雞肉烏冬麵，聽個名就好清新，不過都差唔多秋天先出啲咁嘅嘢？滑蛋豬扒飯滑蛋ok豬扒都脆嘅。黑椒牛肉飯個和夠晒熱喇，今次好重黑椒味仲食到飯焦。不過又係好遲先嚟，可能要預熱個鍋啦。萬眾期待嘅新野黎喇，個賣相就好似好靚好清新，圖片唔係只供參考😌有啲青柑桔片響度漂漂下仲有啲青蔥絲，不過睇啲雞肉就好明顯係煮熟雞肉之後先切開而唔係切開咗先煮囉。其實咁樣會影響個口感，但係佢哋就商業角度（煮熟先切舊肉唔會縮得太細變相用少咗料）唔係為呢個好食嘅角度🙄味道方面呢完全係冇金橘味嘅小小酸味都無，啲烏冬面就唔彈牙但又唔會好淋或好實⋯冇想像中咁好食囉，當佢只係一碗無乜味既蔥絲雞