D. H. Crab (Closed)

呢間係我親戚樓下既舖已經留意左好耐，朋友入黎試我當然仆住去，咁近我。好多人都話咩東京乜乜味道，我未去過食所以唔知啦，淨係記得個鬼佬話每日去西貢入貨，材料食落真係好新鮮。我主要食左個皇帝蟹包，用上左阿拉斯加果種，海水天然既咸味同鮮味並非急凍貨可以媲美。而且麵包焗得外脆內軟，最緊要係份量慷慨而個包外脆內軟，用心既地方就係包內包外都有用上牛油去烘焗，所以有crispy既口感係度龍蝦包同樣都好多肉！用左香草、檸檬汁以及海鹽調味，朋友鐘意龍蝦所以比佢地食呢個啦，我食左幾啖都係鐘意食新鮮蟹獨有既咸味多ｄ～呢度仲有湯可以飲，不過當日飲到既就偏咸，但就明顯飲到海鮮既味，用咁多海鮮拆肉唔拎落去煲湯咪浪費哂如果調味輕番小小等我地自己落鹽調教味道就更好了，因為我傾向飲到海鮮原味多過西式加base果種喧賓奪主味道(即係牛肉湯)。同場仲有個牛肉包，可能受太多海鮮衝擊，變相覺得呢個味道相對唔突出。除左牛肉嫩之外，我諗唔到一個優點。個人覺得洋蔥多ｄ會比較好，同埋個汁我真係唔知點樣配合到個包。