稻香 (新九龍廣場) (Closed)

昨天晚上，兩仔爺無煮飯，去新九龍廣場，見到稻香有啲好抵食嘅嘢，上到去見又唔算好多人，所以決定去呢度食，好快有位，我哋叫咗白酒忌廉青口配鍋巴，同埋叫咗勁蔥熱雞鍋一份，第一次係酒樓食青口用忌廉汁煮好特別，青口好新鮮，加上啲汁配上鍋巴，一流，另一樣勁蔥熱雞鍋$58一隻，用煲上，熱辣辣，個樣又靚，舖滿晒蔥，下面有娃娃菜，好入味，我哋仲叫咗2支朝日啤酒，都只係$15/支，好抵，食晒啲餸都飽晒，埋單都唔洗$210，超級抵食。