Video
Read full review
2018-11-28
521 views
某日發現曼克頓山商場有新舖，就即刻book枱星期五team lunch食好啲！環境唔錯，枱櫈都寬敞濶落，前面有4位壽司師傅現場整壽司！打開menu，種類多元化，有野菜牛肉鍋、熟食、剌身同壽司定食，每個定食都跟沙津、蒸蛋同甜品！而價錢都大眾化，由$68-$138不等！午市係免收加一架！叫左個壽司定食配細牛肉烏冬，壽司有6件+玉子，魚生新鮮，而佢隻熟蝦係勁勁大隻，壽司係好好食嘅！烏冬都彈牙，湯底香！但蒸蛋就老左啲，甜品得泡夫一粒，其實都好滿足！唔中意食太生嘅朋友就叫左燒三文魚魚生飯，跟餐多個味噌湯。同事話口感豐富，因為燒三文魚外，仲有啲三文魚肉碎、魚子同伴菜，有啲汁撈埋，一啲都唔dry！佢上枱同收嘢速度勁快，係有不斷幫你添茶，但無左食日本嘢慢慢細味品嚐嘅感覺！
打開menu，種類多元化，有野菜牛肉鍋、熟食、剌身同壽司定食，每個定食都跟沙津、蒸蛋同甜品！而價錢都大眾化，由$68-$138不等！午市係免收加一架！
叫左個壽司定食配細牛肉烏冬，壽司有6件+玉子，魚生新鮮，而佢隻熟蝦係勁勁大隻，壽司係好好食嘅！烏冬都彈牙，湯底香！但蒸蛋就老左啲，甜品得泡夫一粒，其實都好滿足！
唔中意食太生嘅朋友就叫左燒三文魚魚生飯，跟餐多個味噌湯。同事話口感豐富，因為燒三文魚外，仲有啲三文魚肉碎、魚子同伴菜，有啲汁撈埋，一啲都唔dry！
佢上枱同收嘢速度勁快，係有不斷幫你添茶，但無左食日本嘢慢慢細味品嚐嘅感覺！
Post
